𞤀𞥄𞤣𞤢𞤥𞤢 𞤄𞤢𞥄𞤪𞤮

𞤀𞥄𞤣𞤢𞤥𞤢 𞤄𞤢𞥄𞤪𞤮 𞤶𞤭𞤦𞤭𞤲𞤢𞥄 𞤳𞤮 𞤻𞤢𞤤𞤲'𞤣𞤫 𞥑𞥕 𞤤𞤫𞤱𞤪𞤵 𞤬𞤫𞥅𞤦𞤢𞤪𞤭𞤴𞤫𞥅 𞤸𞤭𞤼𞤢𞥄𞤲'𞤣𞤫 𞥑𞥙𞥖𞥕 𞤳𞤮 𞤨𞤮𞤤𞤭𞤼𞤭𞤳𞤴𞤢𞤲𞤳𞤫 𞤘𞤢𞤥𞤦𞤭𞤴𞤢𞤲𞤳𞤫⹁ 𞤳𞤮 𞤮 𞤶𞤮𞤥 𞤶𞤢𞤱𞤣𞤭 𞤫𞤲⹁ 𞤳𞤮 𞤳𞤢𞤲𞤳𞤮 𞤱𞤮𞤲𞤭 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤢𞤲'𞤦𞤭𞤢 𞤺𞤭𞤤𞤢 𞥒𞥐𞥑𞥗.

𞤌 𞤶𞤭𞤦𞤭𞤲𞤢𞥄 𞤳𞤮 𞤼𞤮 𞤃𞤢𞤲𞤳𞤢𞤥𞤢𞤲 𞤑𞤵𞤲𞤣𞤢⹁ 𞤱𞤵𞤪𞤮 𞤧𞤢𞤪𞤢 𞤄𞤢𞤧𞤫 𞤅𞤢𞤲𞤼𞤢 𞤅𞤵⹁ 𞤮 𞤶𞤢𞤲𞤺𞤭 𞤼𞤮 𞤣𞤵𞤯𞤢𞤤 𞤸𞤢𞤳𞥆𞤵𞤲'𞤣𞤫𞥅𞤱𞤢𞤤 𞤕𞤪𞤢𞤦 𞤋𞤧𞤤𞤢𞤲'𞤣 𞤫 𞤣𞤵𞤯𞤢𞤤 𞤸𞤢𞤳𞥆𞤵𞤲'𞤣𞤫𞥅𞤱𞤢𞤤 𞤶𞤵𞥅𞤤𞤩𞤫⹁ 𞤯𞤭𞤯𞤢𞤩𞤢𞤤 𞤲'𞤺𞤢𞤤 𞤳𞤮 𞤫 𞤦𞤵𞤪𞤧𞤭. 𞤐'𞤁𞤫𞥅𞤲 𞤮 𞤺𞤮𞤤𞥆𞤭𞥅𞤥𞤢 𞤫 𞤀𞤤𞤸𞤢𞤺𞤭𞤫 𞤃𞤵𞤧𞤢 𞤐'𞤔𞤭𞤫 𞤫 𞤅𞤮𞤲𞤧⹁ 𞤧𞤮𞤧𞤭𞤴𞤫𞤼𞤫𞥅 𞤺𞤢𞤲'𞤦𞤭𞤲𞤢𞥄𞤶𞤮 𞤨𞤫𞥅𞤱𞤲𞤮𞥅𞤱𞤮 𞤧𞤫𞤥𞤦𞤫⹁ 𞤯𞤮 𞤮 𞤱𞤮𞤲𞤼𞤭 𞤺𞤢𞤪𞤣𞤭𞥅𞤯𞤮 𞤴𞤫𞥅𞤴𞤭𞤪𞤣𞤫. 𞤉 𞤴𞤢𞤸𞤣𞤫 𞤂𞤮𞤲'𞤣𞤪𞤫𞤧 𞤫 𞤬𞤵𞤯𞥆𞤮𞥅𞤣𞤫 𞤳𞤭𞤼𞤢𞥄𞤤𞤫 𞥒𞥐𞥐𞥐⹁ 𞤄𞤢𞤪𞥆𞤮𞤱 𞤶𞤢𞤲𞤺𞤭 𞤲'𞤺𞤢𞤥 𞤸𞤫𞤩𞤣𞤫 𞤧𞤫𞥅𞤣𞤢𞤲𞤼𞤢𞥄𞤺𞤢𞤤 𞤼𞤮 𞤦𞤢𞤲𞤺𞤫 𞤬𞤢𞤺𞥆𞤵𞤣𞤵. 𞤕𞤢𞤺𞥆𞤢𞤤 𞤲'𞤣𞤫 𞤮 𞤢𞤪𞤼𞤭 𞤘𞤢𞤥𞤦𞤭 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥖⹁ 𞤮 𞤧𞤮𞤧𞤭 𞤃𞤢𞤶𞤵𞤥 𞤈𞤫𞤢𞤤 𞤉𞤧𞤼𞤢𞤼𞤫⹁ 𞤮 𞤱𞤮𞤲𞤭 𞤸𞤮𞥅𞤪𞤫𞥅𞤶𞤮 𞤥𞤵𞤥 𞤸𞤢𞥄 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥖. 𞤌 𞤱𞤮𞤲𞤼𞤭 𞤳𞤫𞤧𞤮 𞤤𞤢𞤲𞤣𞤢 𞤁𞤫𞤥𞤮𞤳𞤢𞤪𞤢𞥄𞤧𞤭 𞤁𞤫𞤲𞤼𞤵𞤯𞤮⹁ 𞤤𞤢𞤲𞤣𞤢 𞤤𞤵𞥅𞤤𞤲'𞤣𞤮⹁ 𞤷𞤢𞤺𞥆𞤢𞤤 𞤯𞤵𞥅𞤥 𞤮 𞤱𞤮𞤲𞤼𞤭 𞤸𞤮𞥅𞤪𞤫𞥅𞤶𞤮 𞤤𞤢𞤲𞤣𞤢 𞤫 𞤤𞤫𞤱𞤪𞤵 𞤧𞤫𞤼𞥆𞤢𞥄𞤲'𞤦𞤢𞤪 𞥒𞥐𞥑𞥖 𞤷𞤢𞤺𞥆𞤢𞤤 𞤲'𞤣𞤫 𞤺𞤢𞤪𞤣𞤭𞥅𞤯𞤮 𞤺𞤢𞤣𞤭𞥅𞤯𞤮 𞤮𞥅 𞤧𞤮𞤳𞤢𞥄. [𞥙] 𞤄𞤢𞤪𞥆𞤮𞤱 𞤧𞤵𞤩𞤢𞥄𞤥𞤢 𞤷𞤢𞤺𞥆𞤢𞤤 𞤯𞤵𞥅𞤥 𞤲'𞤺𞤢𞤥 𞤱𞤮𞤲'𞤣𞤫 𞤳𞤢𞤲𞤣𞤭𞤣𞤢𞥄 𞤓𞤁𞤆 𞤫 𞤱𞤮𞥅𞤼𞤫 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞥒𞥐𞥑𞥖 𞤕𞤢𞤺𞥆𞤢𞤤 𞤯𞤵𞥅𞤥 𞤮 𞤢𞤲𞤣𞤭𞤲𞤢𞥄𞤥𞤢 𞤱𞤮𞤲'𞤣𞤫 𞤮 𞤶𞤮𞤺𞤮𞤪𞤭 𞤳𞤮 𞤱𞤮𞤲'𞤣𞤫 𞤳𞤢𞤲𞤣𞤭𞤣𞤢𞥄 𞤳𞤫𞥅𞤪𞤭𞥅𞤯𞤮 𞤫 𞤦𞤢𞤤𞥆𞤢𞤤 𞤬𞤫𞤣𞥆𞤫 𞤤𞤵𞥅𞤤𞤲'𞤣𞤮 𞤱𞤭𞤴𞤫𞤼𞤫𞥅𞤲'𞤣𞤫 𞤕𞤮𞤢𞤤𞤭𞤼𞤭𞤮𞤲 𞥒𞥐𞥑𞥖 (𞤬𞤫𞤣𞥆𞤫 𞤲'𞤣𞤫 𞤓𞤁𞤆 𞤫 𞤤𞤢𞤲𞤣𞤢𞥄𞤶𞤭 𞤶𞤫𞥅𞤺𞤮𞤥 𞤺𞤮𞤯𞥆𞤭 𞤲'𞤦𞤢𞤤𞥆𞤭).

𞤄𞤢𞤪𞥆𞤮𞤱 𞤸𞤫𞤩𞤭𞥅𞤲𞤮 𞤱𞤮𞥅𞤼𞤫 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞥒𞥐𞥑𞥖 𞤫 𞥔𞥓⹁𞥓𞥔% 𞤫 𞤱𞤮𞥅𞤼𞤫𞥅𞤶𞤭 𞤯𞤭𞥅⹁ 𞤮 𞤬𞤮𞥅𞤤𞤭 𞤒𞤢𞤸𞤴𞤢 𞤔𞤢𞤥𞥆𞤫𞤸⹁ 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲'𞤣𞤭 𞤳𞤮 𞤩𞤮𞥅𞤴𞤭. 𞤔𞤢𞤥𞥆𞤫𞤸 𞤶𞤢𞤩𞤭𞥅 𞤫 𞤬𞤵𞤯𞥆𞤮𞥅𞤣𞤫 𞤲'𞤶𞤫𞤻𞤼𞤵𞤣𞤭 𞤲'𞤣𞤭𞥅⹁ 𞤳𞤮𞤲𞤮 𞤷𞤢𞤺𞥆𞤢𞤤 𞤯𞤵𞥅𞤥 𞤮 𞤱𞤮𞤨𞥆𞤭⹁ 𞤄𞤢𞤪𞥆𞤮𞤱 𞤣𞤮𞤺𞤭 𞤣𞤮𞤺𞤭 𞤬𞤫𞥅𞤱𞤣𞤫 𞤤𞤫𞤴𞤣𞤭 𞤸𞤮𞤯𞤣𞤭𞥅𞤩𞤫 𞤅𞤫𞤲𞤫𞤺𞤢𞥄𞤤. 𞤌 𞤸𞤵𞤲𞤭𞥅𞤥𞤢 𞤼𞤮 𞤶𞤮𞥅𞤯𞤮𞤪𞤣𞤫 𞤘𞤢𞤥𞤦𞤭 𞤼𞤮 𞤅𞤫𞤲𞤫𞤺𞤢𞥄𞤤 𞤻𞤢𞤤𞤲'𞤣𞤫 𞥑𞥙 𞤒𞤢𞤪𞤳𞤮𞤥𞤢𞥄 𞥒𞥐𞥑𞥗⹁ 𞤔𞤢𞤥𞥆𞤫 𞤣𞤮𞤺𞤭 𞤴𞤢𞤤𞤼𞤵𞤣𞤫 𞤘𞤢𞤲'𞤦𞤭𞤢⹁ 𞤮 𞤴𞤢𞤸𞤢 𞤫𞤺𞥆𞤭𞤴𞤢𞤲𞤳𞤫𞥅𞤱𞤢𞤤 𞤻𞤢𞤤𞤲'𞤣𞤫 𞥒𞥑 𞤒𞤢𞤪𞤳𞤮𞤥𞤢𞥄 𞥒𞥐𞥑𞥗. 𞤄𞤢𞤪𞤮𞥅 𞤢𞤪𞤼𞤭 𞤘𞤢𞤥𞤦𞤭 𞤻𞤢𞤤𞤲'𞤣𞤫 𞥒𞥖 𞤒𞤢𞤪𞤳𞤮𞤥𞤢𞥄.

𞤉 𞤤𞤫𞤱𞤪𞤵 𞤲𞤮𞥅𞤱𞤢𞤥𞤦𞤢𞤪 𞥒𞥐𞥒𞥑⹁ 𞤀𞤣𞤢𞤥𞤢 𞤄𞤢𞤪𞥆𞤮𞤱 𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤭𞤲𞤢 𞤶𞤮𞤺𞤮𞤪𞤭 𞤼𞤢𞤱𞤼𞤮𞤪𞤫𞥅𞤣𞤫 𞤱𞤮𞥅𞤼𞤫 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞥒𞥐𞥒𞥑⹁ 𞤮 𞤧𞤵𞤩𞤢𞥄𞤥𞤢 𞤳𞤢𞤣𞤭.

𞤬𞤵𞤯𞥆𞤮𞥅𞤣𞤫⹁ 𞤷𞤵𞤳𞤢𞥄𞤳𞤵 𞤫 𞤤𞤭𞤺𞥆𞤫

𞤄𞤢𞤪𞤮𞥅 𞤶𞤭𞤦𞤭𞤲𞤢𞥄 𞤳𞤮 𞤻𞤢𞤤𞤲'𞤣𞤫 𞥑𞥕 𞤬𞤫𞥅𞤦𞤢𞤪𞤭𞤴𞤫𞥅 𞥑𞥙𞥖𞥕 𞤼𞤮 𞤃𞤢𞤲𞤳𞤢𞤥𞤢𞤲 𞤑𞤵𞤲'𞤣𞤢⹁ 𞤱𞤵𞤪𞤮 𞤼𞤮𞤳𞤮𞥅𞤧𞤮 𞤧𞤢𞤪𞤢 𞤄𞤢𞤧𞥆𞤫 𞤅𞤢𞤲𞤼𞤢 𞤅𞤵⹁ 𞤦𞤢𞤤𞤯𞤫 𞤼𞤢𞤼𞤭 𞤳𞤮 𞤢𞤣𞤭𞥅 𞤲'𞤣𞤫 𞤘𞤢𞤥𞤦𞤭 𞤸𞤫𞤩𞤢𞤼𞤢 𞤶𞤫𞤴𞤼𞤢𞥄𞤪𞤫 𞤥𞤵𞤥 𞤫 𞤂𞤢𞥄𞤥𞤵 𞤀𞤲'𞤺𞤢𞤤𞤼𞤫𞥅𞤪. 𞤑𞤢𞤲𞤳𞤮 𞤱𞤮𞤲𞤭 𞤩𞤭𞤴 𞤃𞤢𞤥𞤵𞤣𞤵 𞤄𞤢𞤪𞥆𞤮𞤱 𞤫 𞤑𞤢𞤣𞥆𞤭𞤶𞤢𞤼𞤮𞤵 𞤔𞤢𞤤𞥆𞤮𞤱. 𞤌 𞤶𞤢𞤲𞤺𞤭𞥅 𞤣𞤵𞤯𞤢𞤤 𞤤𞤫𞤧𞤤𞤫𞤧𞤢𞤤 𞤲𞤮𞤳𞥆𞤵 𞤮𞥅 𞤼𞤮 𞤑𞤮𞤦𞤢 𞤑𞤵𞤲'𞤣𞤢⹁ 𞤷𞤢𞤺𞥆𞤢𞤤 𞤯𞤵𞥅𞤥 𞤮 𞤶𞤢𞤲𞤺𞤭 𞤼𞤮 𞤣𞤵𞤯𞤢𞤤 𞤸𞤢𞤳𞥆𞤵𞤲'𞤣𞤫𞥅𞤱𞤢𞤤 𞤕𞤪𞤢𞤦 𞤋𞤧𞤤𞤢𞤲'𞤣 𞤼𞤮 𞤄𞤢𞤲'𞤶𞤵𞤤. 𞤐'𞤁𞤫𞥅𞤲 𞤮 𞤣𞤢𞤻𞤭𞥅 𞤦𞤵𞤪𞤧𞤭 𞤲'𞤺𞤢𞤥 𞤶𞤢𞤲𞤺𞤵𞤣𞤫 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤶𞤵𞥅𞤤𞤩𞤫. 𞤕𞤢𞤺𞥆𞤢𞤤 𞤲'𞤣𞤫 𞤮 𞤴𞤢𞤤𞤼𞤭 𞤣𞤵𞤯𞤢𞤤 𞤮 𞤺𞤮𞤤𞥆𞤭𞥅𞤥𞤢 𞤫 𞤀𞤤𞤸𞤢𞤺𞤭𞤫 𞤃𞤵𞤧𞤢 𞤐'𞤔𞤭𞤫 & 𞤅𞤮𞤲𞤧⹁ 𞤧𞤮𞤧𞤭𞤴𞤫𞤼𞤫𞥅 𞤘𞤢𞤥𞤦𞤭𞤴𞤢𞤲𞤳𞤫𞥅𞤶𞤮⹁ 𞤮 𞤵𞤥𞥆𞤭𞥅 𞤫 𞤣𞤢𞤪𞤲'𞤣𞤫 𞤸𞤢𞥄 𞤮 𞤱𞤮𞤲𞤼𞤭 𞤺𞤢𞤪𞤣𞤭𞥅𞤯𞤮 𞤴𞤫𞥅𞤴𞤭𞤪𞤣𞤫. 𞤉 𞤬𞤵𞤯𞥆𞤮𞥅𞤣𞤫 𞤳𞤭𞤼𞤢𞥄𞤤𞤫 𞥒𞥐𞥐𞥐 𞤮 𞤵𞤥𞥆𞤭𞥅 𞤼𞤮 𞤂𞤮𞤲'𞤣𞤪𞤫𞤧 𞤯𞤮 𞤮 𞤶𞤢𞤲𞤺𞤭 𞤲'𞤺𞤢𞤥 𞤸𞤫𞤩𞤣𞤫 𞤧𞤫𞥅𞤣𞤢𞤲𞤼𞤢𞥄𞤺𞤢𞤤 𞤳𞤮 𞤬𞤢𞤴𞤼𞤭 𞤫 𞤲'𞤶𞤵𞤤𞤢𞥄𞤺𞤵. 𞤉 𞤮𞥅𞤲 𞤧𞤢𞤸𞤢𞥄 𞤺𞤮𞥅𞤼𞤮⹁ 𞤮 𞤱𞤮𞤲𞤭𞥅𞤲𞤮 𞤺𞤢𞤪𞤣𞤭𞥅𞤯𞤮 𞤳𞤭𞤧𞤢𞤤 𞤫 𞤲'𞤣𞤫𞤪 𞤣𞤫𞤨𞤢𞤪𞤼𞤫𞤥𞤢𞥄 𞤀𞤪𞤺𞤮𞤧 𞤥𞤮 𞤲𞤮𞤳𞥆𞤵 𞤮𞥅 𞤲'𞤺𞤢𞤥 𞤣𞤢𞤻𞤣𞤫 𞤲'𞤺𞤢𞤤𞤵 𞤲'𞤺𞤢𞤥 𞤶𞤢𞤽𞤣𞤫 𞤥𞤢𞤳𞥆𞤮. 𞤕𞤢𞤺𞥆𞤢𞤤 𞤥𞤵𞤥 𞤮 𞤧𞤭𞤬𞤼𞤭𞤲𞤭𞥅 𞤯𞤫𞥅𞤲 𞤺𞤫𞤯𞤫 𞤱𞤮𞤲'𞤣𞤫 𞤳𞤮 𞤯𞤫 𞤼𞤫𞤧𞤳𞤭𞤲𞤯𞤫⹁ 𞤮 𞤱𞤭𞤴𞤭: "𞤐'𞤘𞤵𞥅𞤪𞤲'𞤣𞤢𞤥 𞤳𞤮 𞤤𞤢𞥄𞤱𞤮𞤤⹁ 𞤳𞤢𞤣𞤭 𞤤𞤫𞤴𞤣𞤭 𞤀𞤲'𞤺𞤢𞤤𞤼𞤫𞥅𞤪 𞤱𞤢𞤤𞥆𞤭𞤼𞤭𞥅 𞤳𞤢𞤥 𞤱𞤮𞤲'𞤣𞤫 𞤲𞤫𞤯𞥆𞤮 𞤥𞤮 𞤲'𞤺𞤮𞤲-𞤥𞤭 𞤸𞤢𞤲𞤣𞤫 𞤮𞥅." 𞤘𞤮𞤤𞥆𞤢𞥄𞤣𞤫 𞤱𞤢𞤳𞤼𞤵𞥅𞤶𞤭 𞥑𞥕 𞤫 𞤻𞤢𞤤𞤢𞤱𞤥𞤢 𞤭𞤲𞤢 𞤥𞤢𞤸𞤢 𞤲𞤫𞤯𞥆𞤮. »

𞤄𞤢𞤪𞤮𞥅 𞤢𞤪𞤼𞤭 𞤘𞤢𞤲'𞤦𞤭𞤢 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥖 𞤮 𞤧𞤮𞤧𞤭 𞤃𞤢𞤶𞤵𞤥 𞤈𞤫𞤢𞤤 𞤉𞤧𞤼𞤢𞤼𞤫⹁ 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥖 𞤸𞤢𞥄 𞥒𞥐𞥑𞥖 𞤮 𞤱𞤮𞤲𞤭 𞤸𞤮𞥅𞤪𞤫𞥅𞤶𞤮 (𞤕𞤉𞤌) 𞤧𞤮𞤧𞤭𞤴𞤫𞤼𞤫𞥅 𞤮𞥅. 𞤙𞤢𞤤𞤲'𞤣𞤫 𞥑𞥒 𞤶𞤵𞤳𞤮 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥙⹁ 𞤮 𞤸𞤫𞤩𞤭 𞤲'𞤶𞤫𞥅𞤲𞤢𞥄𞤪𞤭 𞤥𞤢𞤱𞤲'𞤣𞤭 𞤥𞤢𞤸𞤮𞥅𞤱𞤮 (𞤺𞤪𞤢𞤲'𞤣𞤫 𞤷𞤮𞤲𞤧𞤼𞤪𞤵𞤷𞤼𞤫𞤵𞤪 𞤧𞤵𞤨𞤫𞤪 𞤨𞤪𞤭𞤿) 𞤱𞤮𞤲𞤭 𞤲'𞤶𞤫𞥅𞤲𞤢𞥄𞤪𞤭 𞤄𞤢𞤦𞤢𞤷𞤢𞤪 𞤐'𞤁𞤭𞤢𞤴𞤫 𞤥𞤢𞤸𞤮𞥅𞤩𞤫 𞤤𞤢𞥄𞤦𞤭 𞤀𞤬𞤪𞤭𞤳. 𞤍𞤵𞤥 𞤳𞤮 𞤲'𞤺𞤢𞤥 𞤢𞤪𞤣𞤢𞥄𞤣𞤫 𞤥𞤮 𞤫 𞤥𞤢𞤸𞤲'𞤺𞤮 𞤆𞤮𞤲𞤼 𞤅𞤫𞤲𞤫𞤺𞤢𞤲'𞤦𞤭. 𞤄𞤢𞤪𞥆𞤮𞤱 𞤬𞤵𞤯𞥆𞤮𞤪𞤭𞥅 𞤺𞤮𞤤𞥆𞤫 𞤥𞤵𞤥 𞤨𞤮𞤤𞤭𞤼𞤭𞤳 𞤳𞤮 𞤫 𞤤𞤢𞤲𞤣𞤢 𞤲𞤢𞤲𞤮𞤲'𞤣𞤭𞤪𞤢𞤤 𞤲'𞤺𞤫𞤲𞤣𞤭𞤱𞤢𞤤 (𞤐𞤈𞤆) 𞤫 𞤺𞤢𞤪𞤣𞤢𞤺𞤮𞤤 𞤶𞤢𞥄𞤺𞤮𞤪𞤺𞤢𞤤 𞤥𞤵𞤥 𞤸𞤢𞤲𞤣𞤫 𞤳𞤮 𞤬𞤫𞥅𞤱𞤼𞤭 𞤫 𞤼𞤵𞤪𞤭𞤧𞤥 𞤫 𞤨𞤭𞤲𞤢𞤤⹁ 𞤸𞤮𞤲𞤮 𞤖𞤢𞤥𞤢𞤼 𞤄𞤢𞤸⹁ 𞤫 𞤸𞤮𞥅𞤪𞤫𞥅𞤶𞤮 𞤸𞤢𞤲𞤣𞤫 𞤑𞤮𞤲'𞤺𞤪𞤫𞤧 𞤁𞤫𞤥𞤮𞤳𞤢𞤪𞤢𞤼𞤭𞤳 𞤘𞤢𞤥𞤦𞤭 (𞤘𞤁𞤕)⹁ 𞤸𞤮𞤲𞤮 𞤃𞤢𞤥𞥆𞤢 𞤑𞤢𞤲'𞤣𞤫𞤸. 𞤑𞤮𞤲𞤮 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥗⹁ 𞤮 𞤧𞤫𞥅𞤪𞤼𞤭 𞤫 𞤐𞤈𞤆⹁ 𞤮 𞤲𞤢𞥄𞤼𞤭 𞤫 𞤓𞤁𞤆 𞤲'𞤣𞤫 𞤄𞤢𞤸 𞤱𞤢𞤧𞤭𞤴𞤭𞥅 𞤥𞤮 𞤴𞤮 𞤮 𞤱𞤮𞤨𞥆𞤵 𞤺𞤮𞤲𞥆𞤮𞥅𞤯𞤮 𞤺𞤮𞤤𞥆𞤮𞤣𞤭𞥅𞤯𞤮 𞤥𞤢𞤩𞥆𞤫 𞤦𞤭𞤴𞤫𞤼𞤫𞥅𞤯𞤮 𞤃𞤢𞤥𞥆𞤢 𞤑𞤢𞤲'𞤣𞤫𞤸 𞤥𞤮 𞤮 𞤼𞤢𞤰𞤭 𞤳𞤢𞥄𞤬𞤢𞥄𞤶𞤫 𞤫 𞤀𞤆𞤈𞤕 𞤤𞤢𞥄𞤥𞤵 𞤲'𞤺𞤵𞥅. 𞤄𞤢𞤪𞥆𞤮𞤱 𞤣𞤢𞤻𞤭𞥅 𞤱𞤮𞥅𞤼𞤫𞥅𞤶𞤭 𞤑𞤢𞤲'𞤣𞤫𞤸⹁ 𞤮 𞤱𞤮𞤲𞤭 𞤳𞤮 𞤫 𞤤𞤫𞤧 𞤲'𞤶𞤭𞥅𞤥𞤢𞥄𞤲'𞤣𞤭 𞤸𞤢𞥄 𞤮 𞤧𞤵𞤩𞤢𞥄 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤢𞤲'𞤦𞤭𞤢 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥖.

𞤀𞤲𞤣𞤭𞤲'𞤣𞤫 𞤤𞤫𞤻𞤮𞤤 𞤫 𞤥𞤭𞥅𞤶𞤮𞥅𞤶𞤭 𞤥𞤵𞤥 𞤫𞤲 𞤫 𞤤𞤫𞤰𞥆𞤭

𞤋𞤲𞤢 𞤧𞤭𞤳𞥆𞤢𞥄 𞤄𞤢𞤪𞥆𞤮𞤱 𞤶𞤫𞤴𞤢𞥄 𞤳𞤮 𞤫 𞤤𞤫𞤻𞤮𞤤 𞤃𞤢𞤲'𞤣𞤭𞤲𞤳𞤢 𞤫𞤲⹁ 𞤤𞤫𞤻𞤮𞤤 𞤩𞤵𞤪𞤲'𞤺𞤮𞤤 𞤥𞤢𞤱𞤲𞤵𞤣𞤫 𞤫 𞤘𞤢𞤥𞤦𞤭 (𞤯𞤭𞤯𞤥𞤮𞤤 𞤲'𞤺𞤮𞤤 𞤳𞤮 𞤊𞤵𞤤𞤩𞤫). 𞤌 𞤱𞤭𞤴𞤢𞥄𞤥𞤢 𞤳𞤢𞤣𞤭 𞤳𞤮 𞤮 𞤊𞤵𞤤𞤩𞤫⹁ 𞤧𞤢𞤦𞤵 𞤭𞤱𞤣𞤭 𞤴𞤵𞤥𞥆𞤢 𞤥𞤢𞤳𞥆𞤮⹁ 𞤳𞤢𞤣𞤭 𞤥𞤢𞥄 𞤮 𞤢𞤲𞤣𞤵 𞤳𞤮 𞤢𞤣𞤭𞥅 𞤬𞤮𞤬 𞤫 𞤊𞤵𞤤𞤩𞤫 𞤼𞤮 𞤦𞤢𞤲𞤺𞤫 𞤪𞤫𞤲𞤣𞤮 𞤫 𞤨𞤭𞤲𞤢𞤤. 𞤑𞤢𞤲𞤳𞤮 𞤄𞤢𞤪𞥆𞤮𞤱 𞤮 𞤱𞤭𞤴𞤭 𞤦𞤢𞤼𞤵 𞤼𞤮 𞤺𞤢𞤤𞥆𞤫 𞤤𞤢𞥄𞤥𞤵 𞤱𞤮𞤲'𞤣𞤫 𞤳𞤮 𞤮 𞤃𞤢𞤲'𞤣𞤭𞤲𞤳𞤢. 𞤌 𞤥𞤢𞤱𞤲𞤭 𞤳𞤮 𞤫 𞤸𞤢𞥄𞤤𞤣𞤫 𞤯𞤫𞤥𞤲'𞤺𞤢𞤤 𞤊𞤵𞤤𞤢𞤲𞤭 𞤫 𞤲'𞤣𞤫𞤪 𞤱𞤵𞤪𞤮 𞤫 𞤣𞤭𞥅𞤱𞤢𞥄𞤲 𞤥𞤮 𞤬𞤵𞤤𞤩𞤫 𞤩𞤵𞤪𞤭 𞤸𞤫𞥅𞤱𞤣𞤫⹁ 𞤪𞤫𞤱𞤩𞤫 𞤥𞤢𞤳𞥆𞤮 𞤯𞤭𞤯𞤮 𞤩𞤫𞥅 𞤳𞤮 𞤬𞤵𞤤𞤩𞤫.

𞤐'𞤁𞤫 𞤮 𞤲𞤢𞥄𞤥𞤲'𞤣𞤢𞥄 𞤳𞤮 𞤬𞤢𞤴𞤼𞤭 𞤫 𞤲'𞤣𞤫𞥅𞤯𞤮𞥅 𞤼𞤮𞤩𞥆𞤫𞤪𞤫 𞤫 𞤥𞤭𞥅𞤶𞤮𞥅𞤶𞤭 𞤥𞤢𞤳𞥆𞤮 𞤫 𞤳𞤮 𞤮 𞤥𞤭𞥅𞤶𞤭𞥅 𞤫 𞤘𞤢𞤲'𞤦𞤭𞤢⹁ 𞤮 𞤱𞤭𞤴𞤭 𞤳𞤮 𞤮 𞤶𞤫𞤴𞤢𞥄𞤯𞤮 𞤫 𞤤𞤫𞤰𞥆𞤭 𞤶𞤭𞤤𞥆𞤮𞤲'𞤣𞤭𞤪𞤯𞤭⹁ 𞤮 𞤱𞤮𞤲𞤢𞥄 𞤤𞤫𞤻𞤮𞤤 :

𞤃𞤢𞥄 𞤱𞤮𞤲 𞤤𞤫𞤴𞤣𞤭 𞤳𞤵𞥅𞤩𞤼𞤮𞤣𞤭𞤲𞤣𞤭 𞤯𞤮 𞤤𞤫𞤰𞥆𞤭 𞤲'𞤺𞤢𞤤𞤢𞥄 𞤲𞤮𞤳𞥆𞤵. 𞤃𞤭𞥅𞤲 𞤱𞤮𞤲𞤭 𞤲𞤫𞤯𞥆𞤮 𞤩𞤵𞤪𞤯𞤮 𞤬𞤢𞤥𞤯𞤵𞤣𞤫 𞤤𞤫𞤻𞤮𞤤 𞤲'𞤺𞤮𞤤 𞤲'𞤶𞤭𞤴𞤢𞤼𞤢𞥄. 𞤃𞤭 𞤶𞤭𞤤𞥆𞤮𞤲'𞤣𞤭𞤪𞤭𞥅 𞤰𞤭𞥅𞤰𞤢𞤥 𞤫 𞤲'𞤣𞤫𞤪 𞤢𞤥. 𞤃𞤭𞥅𞤲 𞤱𞤮𞤲𞤭 𞤧𞤢𞤪𞤢𞤸𞤵𞤤𞤫⹁ 𞤥𞤢𞤲'𞤣𞤭𞤲𞤳𞤢 𞤫 𞤬𞤵𞤤𞤢. 𞤃𞤭𞤻𞤭𞤪𞤢𞥄𞤩𞤫 𞤢𞤥 𞤪𞤫𞤱𞤩𞤫 𞤯𞤭𞤯𞤮⹁ 𞤵𞤥𞥆𞤮𞤪𞤭𞥅𞤩𞤫 𞤫 𞤦𞤢𞥄𞤦𞤢 𞤺𞤮𞥅𞤼𞤮 𞤫 𞤴𞤵𞤥𞥆𞤢 𞤺𞤮𞥅𞤼𞤮⹁ 𞤳𞤮 𞤔𞤮𞤤𞤢𞤧. 𞤂𞤫𞤻𞤮𞤤 𞤲'𞤺𞤮𞤤 𞤲𞤮𞥅𞤲 𞤢𞤤𞤢𞥄 𞤳𞤮 𞤲𞤢𞤬𞤢𞤼𞤢. 𞤑𞤮 𞤩𞤵𞤪𞤭 𞤸𞤭𞤥𞥆𞤵𞤣𞤫 𞤳𞤮 𞤫𞤲𞤫𞤲 𞤬𞤮𞤬 𞤳𞤮 𞤫𞤲 𞤘𞤢𞤥𞤦𞤭𞤴𞤢𞤲𞤳𞤮𞥅𞤩𞤫 𞤫𞤯𞤫𞤲 𞤨𞤮𞤼𞤭 𞤪𞤫𞤲𞤼𞤵𞤣𞤫 𞤫 𞤺𞤮𞤤𞥆𞤮𞤪𞤢𞥄𞤣𞤫 𞤩𞤢𞤥𞤼𞤢𞥄𞤪𞤫 𞤤𞤫𞤴𞤣𞤭 𞤥𞤫𞤲.

— 𞤀𞥄𞤣𞤢𞤥𞤢 𞤄𞤢𞤪𞥆𞤮𞤱 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥖

𞤃𞤢𞤱𞤲𞤭𞤲'𞤺𞤮𞤤 𞤣𞤵𞥅𞤩𞤭 𞥕𞥒 𞤶𞤫𞤴𞤼𞤢𞥄𞤪𞤫 𞤤𞤫𞤴𞤣𞤭 𞤫 𞤵𞤣𞥆𞤭𞤼𞤺𞤮𞤤 𞤥𞤢𞤱𞤯𞤮 𞤤𞤫𞤴𞤣𞤭 𞤲'𞤣𞤭 𞤃𞤪. 𞤀𞤣𞤢𞤥𞤢 𞤄𞤢𞤪𞥆𞤮𞤱⹁ 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤢𞤲'𞤦𞤭𞤢

𞤐'𞤘𞤵𞥅𞤪𞤲'𞤣𞤢𞤥 𞤸𞤫𞤪𞤼𞤭𞥅𞤯𞤢𞤲

𞤄𞤢𞤪𞥆𞤮𞤱 𞤳𞤮 𞤶𞤵𞥅𞤤𞤯𞤮⹁ 𞤮 𞤱𞤭𞤴𞤭 𞤳𞤮 𞤭𞥅𞤥𞤢𞤲𞤢𞥄𞤺𞤢𞤤 𞤥𞤢𞤳𞥆𞤮 𞤢𞤪𞤣𞤭𞥅 𞤲'𞤺𞤵𞥅𞤪𞤲'𞤣𞤢𞤥 𞤥𞤢𞤳𞥆𞤮 𞤫 𞤨𞤮𞤤𞤭𞤼𞤭𞤳 𞤥𞤢𞤳𞥆𞤮. 𞤌𞤥𞤮 𞤺𞤮𞤤𞥆𞤭𞤪𞤢 𞤣𞤫𞤱𞤺𞤢𞤤 𞤳𞤫𞥅𞤱𞤲'𞤺𞤢𞤤⹁ 𞤮𞤥𞤮 𞤶𞤮𞤺𞤭𞥅 𞤪𞤫𞤱𞤩𞤫 𞤯𞤭𞤯𞤮⹁ 𞤣𞤫𞤦𞥆𞤮 𞤥𞤢𞤳𞥆𞤮 𞤺𞤢𞤣𞤢𞤲𞤮 𞤦𞤭𞤴𞤫𞤼𞤫𞥅𞤯𞤮 𞤊𞤢𞤼𞤮𞤵𞤥𞤢𞤼𞥆𞤢 𞤄𞤢𞤸⹁ 𞤥𞤮 𞤮 𞤪𞤫𞤧𞤭 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥙𞥗⹁ 𞤣𞤫𞤦𞥆𞤮 𞤥𞤢𞤳𞥆𞤮 𞤯𞤭𞤯𞤢𞤩𞤮 𞤦𞤭𞤴𞤫𞤼𞤫𞥅𞤯𞤮 𞤅𞤢𞤪𞤶𞤮 𞤐'𞤄𞤢𞤤𞥆𞤮𞤱. 𞤐'𞤁𞤫 𞤮 𞤸𞤫𞤩𞤭 𞤤𞤢𞥄𞤥𞤵 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥗⹁ 𞤮 𞤼𞤮𞤯𞥆𞤭𞥅 𞤣𞤫𞤦𞥆𞤮 𞤥𞤢𞤳𞥆𞤮 𞤺𞤢𞤣𞤢𞤲𞤮 𞤦𞤭𞤴𞤫𞤼𞤫𞥅𞤯𞤮 𞤊𞤢𞤼𞤵𞥅𞤥𞤢𞤼𞥆𞤢 𞤄𞤢𞤸-𞤄𞤢𞤪𞥆𞤮𞤱 𞤲'𞤺𞤢𞤥 𞤱𞤮𞤲'𞤣𞤫 𞤤𞤢𞥄𞤥𞤭𞥅𞤯𞤮 𞤤𞤫𞤴𞤣𞤭 𞤘𞤢𞤥𞤦𞤭. 𞤈𞤫𞤱𞤩𞤫 𞤥𞤢𞤳𞥆𞤮 𞤯𞤭𞤯𞤮 𞤩𞤫𞥅 𞤲'𞤶𞤫𞤴𞤢𞥄 𞤳𞤮 𞤫 𞤤𞤫𞤻𞤮𞤤 𞤊𞤵𞤤𞤩𞤫. 𞤉 𞤪𞤫𞤱𞤩𞤫 𞤥𞤢𞤳𞥆𞤮 𞤮𞤥𞤮 𞤶𞤮𞤺𞤭𞥅 𞤩𞤭𞤩𞥆𞤫 𞤲𞤢𞤴𞤮 𞤱𞤵𞥅𞤪𞤩𞤫. 𞤖𞤢𞤦𞤭𞤦𞤵 𞤄𞤢𞤪𞥆𞤮𞤱⹁ 𞤩𞤭𞤴𞤭𞥅𞤳𞤮 𞤺𞤮𞤪𞤳𞤮 𞤶𞤢𞤸𞤪𞤮𞥅𞤱𞤮 𞤫 𞤣𞤵𞥅𞤩𞤭 𞤶𞤫𞥅𞤼𞤢𞤼𞤭⹁ 𞤥𞤢𞥄𞤴𞤭 𞤷𞤢𞤺𞥆𞤢𞤤 𞤲'𞤣𞤫 𞤳𞤵𞤯𞤮𞤤 𞤴𞤢𞤲𞤭 𞤫 𞤥𞤵𞤥 𞤻𞤢𞤤𞤲'𞤣𞤫 𞥑𞥕 𞤤𞤫𞤱𞤪𞤵 𞤒𞤢𞤪𞤳𞤮𞤥𞤢𞥄 𞥒𞥐𞥑𞥗. 𞤄𞤢𞤪𞥆𞤮𞤱 𞤱𞤢𞥄𞤱𞤢𞥄𞤲𞤮 𞤼𞤢𞤱𞤼𞤮𞤪𞤫𞥅𞤣𞤫 𞤱𞤭𞤪𞤱𞤭𞤪𞤲'𞤣𞤫 𞤩𞤭𞤴𞤭𞥅𞤳𞤮 𞤧𞤢𞤦𞤵⹁ 𞤫 𞤼𞤵𞥅𞤻𞤢𞥄𞤣𞤫 𞤫 𞤱𞤢𞤧𞤭𞤴𞤢𞥄𞤶𞤭 𞤕𞤉𞤁𞤉𞤀𞤌⹁ 𞤮 𞤱𞤮𞤲𞤭 𞤳𞤮 𞤫 𞤤𞤫𞤴𞤣𞤭 𞤅𞤫𞤲𞤫𞤺𞤢𞥄𞤤 𞤯𞤮 𞤮 𞤣𞤢𞤯𞤲𞤮𞥅 𞤫 𞤶𞤭𞥅𞤩𞤪𞤵 𞤷𞤢𞤺𞥆𞤢𞤤 𞤱𞤮𞥅𞤼𞤫.

𞤑𞤮 𞤮 𞤶𞤭𞤯𞥆𞤮 𞤬𞤫𞤣𞥆𞤫 𞤬𞤵𞤳𞤵 𞤳𞤮𞤴𞤯𞤫 𞤀𞤲'𞤺𞤢𞤤𞤼𞤫𞥅𞤪 𞤱𞤭𞤴𞤫𞤼𞤫𞥅𞤲'𞤣𞤫 𞤀𞤪𞤧𞤫𞤲𞤢𞤤. 𞤄𞤢𞤤𞥆𞤢𞤤 𞤥𞤢𞤳𞥆𞤮 𞤫 𞤳𞤭𞤨𞥆𞤵 𞤲'𞤺𞤵𞥅 𞤬𞤵𞤯𞥆𞤭𞥅 𞤳𞤮 𞤫 𞤬𞤵𞤯𞥆𞤮𞥅𞤣𞤫 𞤳𞤭𞤼𞤢𞥄𞤤𞤫 𞥒𞥐𞥐𞥐 𞤲'𞤣𞤫 𞤮 𞤸𞤮𞤯𞤭 𞤼𞤮 𞤤𞤫𞤴𞤣𞤭 𞤀𞤲'𞤺𞤢𞤤𞤼𞤫𞥅𞤪.