𞤃𞤢𞤸𞤮𞥅𞤣𞤭 𞤫𞤳𞤮𞤤𞤮𞥅𞤶𞤭
𞤆𞤫𞤱𞤲𞤵𞤺𞤮𞤤 𞤱𞤵𞤪𞤮 𞤫𞤳𞤮𞤤𞤮𞤧𞤭𞥅 𞤭𞤲𞤢 𞤸𞤫𞤩𞤢 𞤸𞤫𞥅𞤲 𞤥𞤭𞥅𞤶𞤮 𞤫𞤳𞤮𞤤𞤮𞥅𞤶𞤭 𞤲'𞤺𞤢𞤥 𞤰𞤫𞤤𞥆𞤭𞤼𞤣𞤫 𞤨𞤫𞥅𞤱𞤲𞤵𞤺𞤮𞤤 𞤱𞤵𞤪𞤮 𞤩𞤵𞤪𞤲'𞤺𞤮 𞤴𞤢𞤸𞤣𞤵𞤣𞤫 𞤫 𞤪𞤫𞤲𞤣𞤮 𞤫 𞤩𞤵𞤪𞤲'𞤺𞤮 𞤼𞤫𞤧𞤳𞤢𞥄𞤣𞤫 𞤫 𞤲'𞤣𞤫𞤪 𞤱𞤫𞥅𞤴𞤮. 𞤑𞤮 𞤩𞤵𞤪𞤭 𞤬𞤢𞤥𞤯𞤵𞤣𞤫 𞤫 𞤥𞤭𞥅𞤶𞤮𞥅𞤶𞤭 𞤳𞤮 𞤩𞤵𞤪𞤭 𞤵𞤪𞤦𞤢𞤲𞤭𞤧𞤥 𞤾𞤫𞤪𞤼 𞤱𞤢𞤤𞥆𞤢 𞤵𞤪𞤦𞤢𞤲𞤭𞤧𞤥 𞤣𞤵𞥅𞤥𞤮𞤼𞤮𞥅𞤯𞤮. 𞤉 𞤤𞤢𞥄𞤦𞤭 𞤳𞤫𞥅𞤱𞤯𞤭⹁ 𞤵𞤪𞤦𞤢𞤲𞤭𞤧𞤥 𞤫𞤳𞤮𞤤𞤮𞥅𞤶𞤭 𞤳𞤮 𞤰𞤫𞤤𞥆𞤭𞤼𞤢𞥄𞤪𞤫 𞤫 𞤻𞤭𞤽𞤣𞤫 𞤵𞤪𞤦𞤢𞤲𞤭𞤧𞤥 𞤤𞤫𞤴𞤣𞤭⹁ 𞤳𞤮 𞤯𞤵𞤥 𞤢𞤣𞥆𞤢𞤲𞤼𞤢 𞤤𞤢𞥄𞤦𞤭 𞤩𞤵𞤪𞤯𞤭 𞤤𞤢𞥄𞤩𞤼𞤵𞤣𞤫 𞤫 𞤣𞤭𞥅𞤧𞤲𞤮𞤲'𞤣𞤭𞤪𞤢𞤤 𞤫 𞤲'𞤶𞤵𞤩𞥆𞤵𞤣𞤭 𞤦𞤭𞤪𞤲𞤭𞥅𞤶𞤭. 𞤐'𞤘𞤮𞤤𞤯𞤮𞥅 𞤤𞤢𞥄𞤱𞤮𞤤 𞤨𞤫𞥅𞤱𞤲𞤵𞤺𞤮𞤤 𞤱𞤵𞤪𞤮 𞤭𞤲𞤢 𞤶𞤮𞤺𞤭𞥅 𞤨𞤢𞥄𞤲'𞤣𞤢𞥄𞤤𞤫 𞤲𞤢𞤴 𞤼𞤫𞥅𞤽𞤼𞤵𞤯𞤫 : 𞤷𞤮𞤥𞤨𞤢𞤷𞤼⹁ 𞤷𞤮𞤥𞤨𞤤𞤫𞤿𞤭𞤼é⹁ 𞤫𞤬𞥆𞤭𞤷𞤢𞤷𞤭𞤼é 𞤫 𞤣𞤫𞥅𞤰𞤪𞤫. 𞤐'𞤁𞤫𞥅𞤯𞤮𞥅 𞤬𞤫𞥅𞤪𞤫 𞤨𞤫𞥅𞤱𞤲𞤵𞤺𞤮𞤤 𞤱𞤵𞤪𞤮 𞤭𞤲𞤢 𞤼𞤭𞥅𞤯𞤲𞤮𞥅 𞤫 𞤰𞤫𞤤𞥆𞤭𞤼𞤣𞤫 𞤷𞤢𞤯𞤫𞥅𞤤𞤫 𞤪𞤫𞤲𞤣𞤮 𞤸𞤢𞤲𞤣𞤫 𞤯𞤫𞥅⹁ 𞤼𞤢𞤱𞤢 𞤭𞤲𞤢 𞤶𞤮𞤳𞥆𞤮𞤲'𞤣𞤭𞤪𞤭 𞤫 𞤲'𞤦𞤢𞥄𞤣𞤭𞥅𞤶𞤭 𞤣𞤵𞥅𞤥𞤭𞤲'𞤺𞤮𞤤 𞤫 𞤺𞤮𞤤𞥆𞤫 𞤱𞤵𞤪𞤮. [𞥑] “𞤓𞤪𞤦𞤢𞤲𞤭𞤧𞤥 𞤫𞤳𞤮𞤤𞤮𞥅𞤶𞤭” 𞤳𞤮 𞤥𞤢𞤸𞤮𞥅𞤱𞤮 𞤫 𞤨𞤫𞥅𞤱𞤲𞤵𞤺𞤮𞤤 𞤱𞤵𞤪𞤮 𞤃𞤭𞤺𞤵𞤫𞤤 𞤈𞤵𞤢𞤲𞤮 𞤱𞤭𞤲𞤣𞤭 𞤫 𞤣𞤫𞤬𞤼𞤫𞤪𞤫 𞤥𞤵𞤥 𞥑𞥙𞥙𞥘 𞤉𞤷𞤮-𞤓𞤪𞤦𞤢𞤲𞤭𞤧𞤥: 𞤑𞤮𞤯𞤳𞤭 𞤢𞥄𞤣𞤫𞥅 𞤣𞤵𞥅𞤥𞤮𞤼𞤮𞥅𞤯𞤮⹁ 𞥖𞥐 𞤱𞤭𞤯𞤼𞤮𞥅𞤶𞤭. 𞤖𞤫𞤤𞤥𞤫𞤪𞤫 𞤲'𞤣𞤫𞥅 𞤬𞤵𞤯𞥆𞤭𞥅 𞤬𞤫𞥅𞤻𞤣𞤫 𞤳𞤮 « 𞤫𞤷𞤮𞤵𞤪𞤦𞤢𞤲𞤭𞤧𞤥 »⹁ 𞤱𞤮𞤲𞤭 « 𞤰𞤫𞤤𞥆𞤭𞤼𞤢𞥄𞤪𞤫 𞤪𞤫𞤲𞤣𞤮𞥅𞤶𞤭 𞤢𞥄𞤣𞤫𞥅 𞤣𞤵𞥅𞤥𞤮𞤼𞤮𞥅𞤯𞤭 𞤳𞤫𞥅𞤱𞤯𞤭 𞤫 𞤲'𞤣𞤫𞤪 𞤲𞤮𞤳𞥆𞤵𞥅𞤶𞤭 𞤥𞤢𞤸𞤪𞤢𞥄𞤯𞤭 𞤲𞤢𞤲𞤣𞤵𞤯𞤭 𞤫 𞤦𞤢𞤤𞥆𞤮𞤲'𞤣𞤭𞤪𞤢𞤤 ». [𞥒] 𞤖𞤫𞤤𞤥𞤫𞤪𞤫 𞤲'𞤣𞤫𞥅 𞤸𞤵𞥅𞤼𞤮𞤪𞤢𞥄 𞤳𞤮 𞤷𞤢𞤺𞥆𞤢𞤤 𞤯𞤵𞥅𞤥 𞤫 𞤤𞤫𞤱𞤪𞤵 𞤢𞤦𞤪𞤭𞥅𞤤 𞥒𞥐𞥐𞥓 𞤫 𞤦𞤢𞤼𞤵 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤌𞤪𞤫𞤺𞤮𞤲⹁ [𞥓] 𞤳𞤢𞤣𞤭 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥖 𞤫 𞤱𞤭𞤲𞤣𞤢𞤲𞤣𞤫 𞤔𞤫𞤬𞥆𞤪𞤫𞤴 𞤖𞤮𞤵. [𞥔] 𞤃𞤮𞤸𞤧𞤫𞤲 𞤃𞤮𞤧𞤼𞤢𞤬𞤢𞤾𞤭 𞤸𞤵𞥅𞤼𞤮𞤪𞤭𞥅𞤥𞤢 𞤸𞤫𞤤𞤥𞤫𞤪𞤫 𞤲'𞤣𞤫𞥅 𞤫 𞤲'𞤣𞤫𞤪 𞤣𞤫𞤬𞤼𞤫𞤪𞤫 𞤲'𞤣𞤫 𞤮 𞤴𞤢𞤤𞤼𞤭𞤲𞤭 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥗⹁ 𞤸𞤮𞤲𞤮 « 𞤀𞤪𞤧𞤭𞤼𞤫𞤳𞤼𞤵𞥅𞤪 𞤭𞤲𞤼𞤫𞤪𞤾𞤫𞤲𞤼𞤭𞤮𞤲 » [𞥕] 𞤫 𞤲'𞤣𞤫𞤪 𞤴𞤫𞥅𞤱𞤼𞤫𞤪𞤫 𞤥𞤢𞤳𞥆𞤮 𞤼𞤮 𞤁𞤵𞤯𞤢𞤤 𞤀𞤪𞤧𞤭𞤼𞤫𞤳𞤼𞤵𞥅𞤪 𞤑𞤢𞤲𞤢𞤣𞤢𞥄. [𞥖] 𞤖𞤢𞤲𞤣𞤫⹁ 𞤨𞤫𞥅𞤱𞤲𞤵𞤺𞤮𞤤 𞤺𞤵𞤪𞤫 𞤫𞤳𞤮𞤤𞤮𞤧𞤭𞥅 𞤭𞤲𞤢 𞤢𞤲𞤣𞤢𞥄 𞤳𞤮 𞤼𞤮𞤩𞥆𞤫𞤪𞤫 𞤱𞤭𞤯𞤼𞤮 𞤶𞤢𞤽𞤣𞤫 𞤼𞤮𞥅𞤱𞤲'𞤣𞤫. 𞤖𞤢𞥄 𞤼𞤫𞥅𞤽𞤼𞤭 𞤲𞤮𞥅𞤲⹁ 𞤁𞤵𞤯𞤢𞤤 𞤔𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤖𞤢𞤪𞤾𞤢𞤪𞤣 𞤘𞤪𞤢𞤣𞤵𞤢𞤼𞤫 𞤮𞤬 𞤁𞤫𞤧𞤭𞤻 𞤴𞤵𞤩𞥆𞤭𞤲𞤭𞥅 𞤦𞤢𞤼𞤵⹁ 𞤴𞤵𞤩𞥆𞤭𞤲𞤭 𞤳𞤮𞥅𞤤𞤮𞤤 𞤲𞤢𞥄𞤤𞤢𞤲𞤳𞤢𞥄𞤺𞤢𞤤⹁ 𞤴𞤢𞤤𞤼𞤭𞤲𞤭 𞤣𞤫𞤬𞤼𞤫𞤪𞤫 𞤶𞤮𞤱𞤭𞤼𞤭𞥅𞤲'𞤣𞤫 𞤫 𞤨𞤫𞥅𞤱𞤲𞤵𞤺𞤮𞤤 𞤺𞤵𞤪𞤫 𞤫𞤳𞤮𞤤𞤮𞤧𞤭𞥅.
𞤔𞤫 𞤦𞤵𞤪𞤭 𞤧𞤫𞤲'𞤦𞤫
𞤓𞤪𞤦𞤢𞤲𞤭𞤧𞤥 𞤫𞤳𞤮𞤤𞤮𞥅𞤶𞤭 𞤭𞤲𞤢 𞤻𞤭𞤽𞤫𞥅 𞤱𞤮𞤲'𞤣𞤫 𞤳𞤮 𞤥𞤭𞥅𞤶𞤮 𞤲'𞤺𞤮 𞤤𞤢𞥄𞤩𞤢𞥄𞤲𞤭⹁ 𞤼𞤵𞥅𞤺𞤭𞥅𞤲'𞤺𞤮 𞤫 𞤥𞤮𞥅𞤩𞤮𞤲'𞤣𞤭𞤪𞤢𞤤 𞤫𞤩𞥆𞤮𞥅𞤶𞤭 𞤩𞤵𞥅𞤩𞤯𞤭. 𞤍𞤫𞥅 𞤳𞤮 𞤫𞤩𞥆𞤮𞥅𞤶𞤫 𞤷𞤢𞤯𞤼𞤵𞤯𞤫⹁ 𞤶𞤮𞤺𞤭𞥅𞤯𞤫 𞤲𞤮𞤣𞥆𞤢𞥄𞤲'𞤺𞤮 𞤲'𞤶𞤵𞤤𞤢𞥄𞤺𞤵 𞤫 𞤫𞤧𞤼𞤫𞤼𞤭𞤳⹁ 𞤯𞤫 𞤲'𞤦𞤫𞤤𞤼𞤭𞤲𞤭𞤪𞤼𞤢 𞤴𞤭𞤯𞤣𞤫 𞤲𞤮𞤳𞥆𞤵𞥅𞤪𞤫 𞤱𞤢𞤤𞥆𞤢 𞤣𞤭𞥅𞤱𞤢𞥄𞤲 𞤲'𞤺𞤢𞤥 𞤱𞤢𞤯𞤣𞤫 𞤸𞤫𞥅𞤲 𞤲'𞤺𞤢𞤤𞤵 𞤥𞤵𞤥 𞤫 𞤲'𞤣𞤫𞤪 𞤫𞤳𞥆𞤮𞤤𞤮𞤧𞤭 𞤱𞤢𞤤𞥆𞤢 𞤫 𞤣𞤵𞥅𞤥𞤢𞤺𞤮𞤤 𞤼𞤢𞤱𞤢 𞤭𞤲𞤢 𞤯𞤢𞤩𞥆𞤭 𞤬𞤫𞥅𞤪𞤫 𞤩𞤵𞤪𞤲'𞤣𞤫 𞤸𞤵𞥅𞤼𞤮𞤪𞤫𞥅𞤣𞤫 𞤫 𞤲'𞤣𞤫𞤪 𞤱𞤭𞤲𞤣𞤫𞤪𞤫 𞤲'𞤣𞤫𞥅. 𞤑𞤮𞥅𞤤𞤮𞤲'𞤣𞤭𞤪𞤢𞤤 𞤺𞤮𞥅𞤲'𞤺𞤢𞤱𞤢𞤤 𞤸𞤢𞤳𞥆𞤵𞤲'𞤣𞤫 𞤥𞤢𞤸𞤣𞤭 𞤤𞤫𞤴𞤣𞤭 𞤫 𞤬𞤢𞤲𞥆𞤵 𞤫𞤳𞤮𞤤𞤮𞥅𞤶𞤭 𞤱𞤵𞤪𞤮 𞤭𞤲𞤢 𞤽𞤢𞤳𞥆𞤭. 𞤘𞤭𞤤𞤢 𞤫 𞤲'𞤣𞤫𞥅 𞥁𞤮𞥅 𞤬𞤭𞤪𞤮⹁ 𞤊𞤪𞤫𞤣𞤫𞤪𞤭𞤷𞤳 𞤅𞤼𞤫𞤭𞤲𞤫𞤪 𞤸𞤮𞤤𞥆𞤭𞤼𞤭𞥅 𞤵𞤪𞤦𞤢𞤲𞤭𞤧𞤥 𞤫𞤳𞤮𞤤𞤮𞤧𞤭𞥅 𞤤𞤫𞤴𞤣𞤭 𞤳𞤮 𞤬𞤫𞥅𞤪𞤫 𞤱𞤢𞥄𞤱𞤲'𞤣𞤫 𞤲𞤢𞥄𞤼𞤣𞤫 𞤫 𞤬𞤢𞤲𞥆𞤵 𞤫𞤳𞤮𞤤𞤮𞤧𞤭𞥅 𞤱𞤵𞤪𞤮 𞤫 𞤏𞤴𞤦𞤫 𞤑𞤵𞤭𞤼𞤫𞤪𞤼 𞤸𞤮𞤤𞥆𞤭𞤪𞤭 𞤲𞤮 𞤲'𞤺𞤢𞤤𞤯𞤮𞥅 𞤨𞤫𞥅𞤱𞤲𞤵𞤺𞤮𞤤 𞤫 𞤲'𞤶𞤵𞤩𞥆𞤵𞤣𞤭 𞤱𞤵𞤪𞤮 𞤣𞤫𞤲𞤣𞤭𞤲𞤣𞤭 𞤬𞤮𞤼𞤭 𞤪𞤫𞤱𞤪𞤵𞤣𞤫 𞤫 𞤰𞤫𞥅𞤱𞤲'𞤣𞤮. [𞥓𞥘] [𞥓𞥙] 𞤀𞤲𞤣𞤵𞤣𞤫 𞤧𞤭𞤬𞤢𞥄 𞤤𞤢𞤣𞥆𞤫 𞤨𞤮𞤼𞤲'𞤣𞤫 𞤱𞤮𞤲'𞤣𞤫 𞤫 𞤲'𞤣𞤫𞤪 𞤱𞤵𞤪𞤮 𞤲'𞤺𞤮 𞤳𞤮 𞤸𞤵𞥅𞤲'𞤣𞤫 𞤢𞤣𞤢𞤲𞤣𞤫 𞤲'𞤺𞤢𞤥 𞤰𞤫𞥅𞤱𞤣𞤫 𞤲𞤮 𞤫𞤳𞤮𞤤𞤮𞤧𞤭𞥅 𞤱𞤵𞤪𞤮 𞤳𞤫𞤧𞤮 𞤱𞤢𞥄𞤱𞤭𞤪𞤼𞤢 𞤰𞤫𞤤𞥆𞤭𞤼𞤢𞥄𞤣𞤫. 𞤑𞤢𞤪𞤼𞤫 𞤤𞤫𞤯𞥆𞤫 𞤨𞤮𞤼𞤯𞤫 𞤱𞤮𞤲'𞤣𞤫 𞤲'𞤺𞤢𞤥 𞤱𞤵𞤪𞤮 𞤳𞤮 𞤳𞤵𞥅𞤼𞤮𞤪𞤺𞤢𞤤 𞤲'𞤺𞤢𞤥 𞤯𞤵𞥅𞤥.