Fuuta Jaloo/adlam
𞤊𞤵𞥅𞤼𞤢 𞤔𞤢𞤤𞤮𞥅 (𞤲𞤢 𞤊𞤵𞥅𞤼𞤢 𞤔𞤢𞤤𞤮𞤲) 𞤳𞤮 𞤤𞤫𞤴𞤣𞤭 𞤣𞤮𞤽𞤭 𞤫 𞤨𞤫𞤤𞥆𞤫 𞤶𞤫𞤴𞤢𞥄𞤲'𞤣𞤭 𞤸𞤢𞤲𞤣𞤫 𞤫 𞤐'𞤁𞤫𞤲𞤣𞤢𞥄𞤲'𞤣𞤭 𞤘𞤭𞤲𞤫. 𞤖𞤭𞤲'𞤣𞤭 𞤼𞤵𞤥𞤦𞤭𞥅 𞤸𞤢𞤳𞥆𞤵𞤲'𞤣𞤫 𞤘𞤭𞤲𞤫.
𞤔𞤮𞥅𞤺𞤢𞤪𞤢𞤬𞤭 taƴto
𞤊𞤵𞥅𞤼𞤢 𞤔𞤢𞤤𞤮𞥅 (𞤤𞤫𞤴𞤣𞤭 𞤊𞤵𞤤𞤩𞤫 𞤫 𞤔𞤢𞤤𞤵𞤲𞤳𞤫𞥅𞤩𞤫) 𞤲𞤮 𞤱𞤫𞤪𞤼𞤭𞥅 𞤫 𞤳𞤮 𞤴𞤢𞤸𞤢𞤼𞤢 𞥘𞥐.𞥐𞥐𞥐 𞤑𞤥𞥒. 𞤍𞤭𞥅 𞤯𞤮𞥅 𞤲𞤮𞥅𞤲𞤫𞥅𞤶𞤭 𞤤𞤫𞤴𞤣𞤭 𞤲𞤮 𞤼𞤢𞤱𞤫𞥅 𞤫 𞤥𞤢𞤴𞤪𞤭: 𞤦𞤮𞥅𞤱𞤫⹁ 𞤲'𞤣𞤢𞤲𞤼𞤢𞥄𞤪𞤭⹁ 𞤸𞤢𞤲𞤧𞤢𞤽𞤫𞤪𞤫⹁ 𞤣𞤮𞤽𞤭⹁ 𞤨𞤫𞤤𞥆𞤫⹁ 𞤣𞤵𞤲𞤳𞤭𞥅𞤶𞤭. 𞤕𞤢’𞤫 (𞤼𞤫𞥅𞤤𞤢𞤤: 𞤧𞤫𞥅𞤪𞤫) 𞤫 𞤢𞤴𞤯𞤫 𞤲𞤮 𞤸𞤫𞥅𞤱𞤭 𞤳𞤢𞤣𞤭.
𞤄𞤵𞤪𞤵𞥅𞤶𞤭 (𞤼𞤫𞥅𞤤𞤢𞤤 𞤥𞤵𞤥 𞤳𞤮: 𞤦𞤵𞤪𞤵𞥅𞤪𞤫) 𞤫 𞤱𞤮𞤲𞤣𞤭𞥅𞤶𞤫 (𞤼𞤫𞥅𞤤𞤢𞤤: 𞤱𞤮𞤲𞤣𞤭𞥅𞤪𞤫) 𞤲𞤮 𞤸𞤫𞤣𞥆𞤭𞥅 𞤸𞤢𞥄 𞤶𞤮𞥅𞤲𞤭 𞤬𞤭𞥅 𞤳𞤢𞤤𞤢 𞤧𞤵𞤲𞥆𞤵𞤺𞤮𞤤 𞤦𞤵𞤪𞤵𞥅𞤶𞤭 𞤻𞤢𞥄𞤥𞤭𞥅 𞤳𞤮 𞤸𞤫𞥅𞤱𞤭 𞤫 𞤬𞤵𞤲𞤺𞤮 𞤲'𞤺𞤮𞤲. 𞤊𞤫𞤤𞥆𞤮 𞤩𞤵𞤪𞤲'𞤺𞤮 𞤼𞤮𞥅𞤱𞤣𞤫 𞤲'𞤺𞤮𞤲 𞤲𞤮 𞤱𞤭’𞤫𞥅 𞤊𞤫𞤤𞥆𞤮 𞤂𞤵𞥅𞤪𞤢⹁ 𞤸𞤭𞤲'𞤺𞤮 𞤸𞤫𞤱𞤼𞤢 𞤥𞤫𞥅𞤼𞤫𞤪𞤢𞥄𞤶𞤭 𞥑𞥕𞥑𞥕.
𞤉 𞤲'𞤣𞤵𞤲𞤺𞤵 (𞤭𞤼𞥆𞤵𞤣𞤫 𞤤𞤫𞤱𞤪𞤵 𞤢𞤱𞤪𞤭𞤤 𞤸𞤢𞥄 𞤮𞤼𞥆𞤮𞥅𞤲'𞤦𞤵𞤪)⹁ 𞤼𞤮𞤩𞤮 𞤲𞤮 𞤸𞤫𞥅𞤱𞤭 𞤊𞤵𞥅𞤼𞤢 𞤔𞤢𞤤𞤮𞥅. 𞤕𞤢𞤲𞤯𞤭 𞤫 𞤥𞤢𞥄𞤶𞤫 𞤳𞤢𞤣𞤭 𞤲𞤮 𞤭𞤤𞤢 𞤫 𞤲'𞤣𞤭𞤲 𞤤𞤫𞤴𞤣𞤭⹁ 𞤴𞤮𞤺𞤢 𞤫 𞤥𞤢𞥄𞤶𞤫 𞤩𞤵𞤪𞤯𞤫 𞤥𞤢𞤱𞤲𞤵𞤣𞤫 𞤯𞤫𞤲⹁ 𞤱𞤢𞤲𞤮 𞤁𞤭𞤥𞥆𞤢𞤱𞤮𞤤 (𞤷𞤢𞥄𞤲'𞤺𞤮𞤤 𞤁𞤭𞤥𞥆𞤢) 𞤱𞤮𞤲𞤼𞤵𞤺𞤮𞤤 𞤃𞤢𞥄𞤴𞤮 𞤘𞤢𞤥𞤦𞤭⹁ 𞤩𞤢𞤤𞤫𞤱𞤮𞤤 (𞤥𞤢𞥄𞤴𞤮 𞤩𞤢𞤤𞤫𞥅𞤱𞤮) 𞤢𞤲𞤣𞤭𞤪𞤢𞥄𞤲'𞤺𞤮𞤤 𞤳𞤢𞤣𞤭 𞤃𞤢𞥄𞤴𞤮 𞤅𞤫𞤲𞤫𞤺𞤢𞤤 𞤬𞤮𞤱 𞤳𞤮 𞤼𞤮𞤲 𞤼𞤵𞤦𞥆𞤭. 𞤒𞤮𞤺𞤢 𞤫 𞤷𞤢𞤲𞤯𞤭 𞤺𞤮’𞤮 𞤳𞤢𞤣𞤭 𞤳𞤮 𞤑𞤵𞤲𞤳𞤵𞤪𞤫⹁ 𞤑𞤮𞤤𞤫𞤲𞤼𞤫𞤲 𞤫𞤳𞤲. 𞤊𞤵𞥅𞤼𞤢 𞤔𞤢𞤤𞤮𞥅 𞤲𞤮 𞤸𞤭𞤼𞥆𞤢𞤲𞤭 𞤬𞤮𞤼𞤢 𞤀𞤬𞤭𞤪𞤭𞤳 𞤖𞤭𞥅𞤪𞤲𞤢𞥄𞤲'𞤺𞤫𞥅𞤪𞤭 𞤲'𞤺𞤢𞤥 𞤷𞤢𞤲𞤯𞤭 𞤥𞤵𞤥 𞤫 𞤥𞤢𞥄𞤶𞤫 𞤥𞤵𞤥.
𞤒𞤭𞤥𞤩𞤫 taƴto
𞤂𞤫𞤻𞤮𞤤 𞤩𞤵𞤪𞤲𞤺𞤮𞤤 𞤯𞤵𞥅𞤯𞤵𞤣𞤫 𞤲𞤺𞤮𞤤 𞤳𞤮 𞤊𞤵𞤤𞤩𞤫. 𞤖𞤭𞤩𞤫 𞤱𞤮𞤱𞤤𞤢 𞤨𞤵𞤤𞤢𞤪⹁ 𞤷𞤢𞤤𞤼𞤵𞤳𞤢 𞤬𞤵𞤤𞤬𞤵𞤤𞤣𞤫⹁ 𞤶𞤫𞤴𞤣𞤵𞤳𞤢 𞤫 𞤨𞤵𞤤𞤢𞥄𞤪𞤶𞤭 𞤅𞤫𞤲𞤫𞤺𞤢𞤤 𞤫 𞤘𞤢𞤥𞤦𞤭𞤴𞤢 𞤳𞤮𞤲𞤮 𞤸𞤭𞤳𞤢 سنلخ𞤶𞤮𞤺𞤭𞥅 𞤲'𞤦𞤢𞥄𞤣𞤭𞥅𞤶𞤭 𞤥𞤢𞤳𞥆𞤢 𞤸𞤫𞥅𞤪𞤼𞤭𞥅𞤯𞤭. 𞤂𞤫𞤰𞥆𞤭 𞤺𞤮’𞤮 𞤳𞤢𞤣𞤭 𞤳𞤮 𞤔𞤢𞤤𞤵𞤲𞤳𞤫𞥅𞤩𞤫⹁ 𞤔𞤢𞥄𞤳𞤢𞤲𞤳𞤫𞥅𞤩𞤫⹁ 𞤃𞤢𞤲𞤭𞤲𞤳𞤢𞥄𞤩𞤫⹁ 𞤑𞤮𞤻𞤢𞥄𞤺𞤭𞥅𞤩𞤫⹁ 𞤄𞤢𞤧𞤢𞤪𞤭𞥅𞤩𞤫⹁ 𞤄𞤢𞤶𞤢𞤪𞤢𞤲𞤳𞤫𞥅𞤩𞤫⹁ 𞤫𞤳𞤲. 𞤑𞤮 𞤯𞤫𞤥𞤲'𞤺𞤢𞤤 𞤨𞤵𞤤𞤢𞤪 𞤩𞤵𞤪𞤫𞤼𞤫𞥅 𞤱𞤮𞤱𞤤𞤫𞥅𞤣𞤫 𞤊𞤵𞥅𞤼𞤢 𞤔𞤢𞤤𞤮𞥅.
Ny𞤢𞤥𞤪𞤭 𞤊𞤵𞥅𞤼𞤢 𞤔𞤢𞤤𞤵𞤲𞤳𞤫𞥅𞤩𞤫 𞤩𞤫𞤲 𞤳𞤮 𞤩𞤵𞤪𞤭 𞤳𞤮𞤲 𞤳𞤮 𞤥𞤢𞥄𞤪𞤮⹁ 𞤬𞤮𞤻𞥆𞤫⹁ 𞤳𞤢𞥄𞤦𞤢 𞤳𞤢𞤻𞤵𞤥 𞤫 𞤳𞤵𞥅𞤧𞤵𞥅𞤶𞤭 𞤱𞤢𞤲𞤮 𞤳𞤢𞤨𞥆𞤫 𞤫 𞤶𞤢𞥄𞤦𞤫𞤪𞤫 𞤫 𞤨𞤵𞤼𞤫𞥅. 𞤊𞤵𞤤𞤩𞤫 𞤩𞤫𞤲 𞤢𞤷𞥆𞤭𞥅𞤲𞤮 𞤲'𞤺𞤵𞥅𞤪𞤲'𞤣𞤢𞤥 𞤫𞤺𞥆𞤢-𞤸𞤮𞤯𞤢 𞤳𞤮𞤲𞤮 𞤸𞤢𞥄 𞤶𞤮𞥅𞤲𞤭 𞤲'𞤺𞤢𞤴𞤲𞤢𞥄𞤳𞤵 𞤲𞤮 𞤱𞤮𞥅𞤣𞤭. 𞤒𞤵𞤲𞤺𞤮 𞤤𞤭𞤰𞥆𞤭 𞤢𞤲𞤣𞤢𞥄𞤳𞤢.
𞤚𞤢𞥄𞤪𞤭𞥅𞤳𞤢 taƴto
𞤐'𞤁𞤢𞥄𞤪 𞤳𞤢𞤣𞤭 [𞤱𞤫𞤦𞤊𞤵𞥅𞤼𞤢]
𞤊𞤵𞥅𞤼𞤢 𞤔𞤢𞤤𞤮𞥅 𞤳𞤮 𞤤𞤫𞤴𞤣𞤭 𞤸𞤮𞤯𞤢𞥄𞤲'𞤣𞤭 𞤺𞤭𞤤𞤢 𞤣𞤵𞥅𞤩𞤭 𞤺𞤵𞤤𞤵𞥅𞤶𞤭 𞤺𞤵𞤤𞤵𞥅𞤶𞤭. 𞤖𞤭𞤲𞤮 𞤧𞤭𞤳𞥆𞤢𞥄 𞤊𞤵𞤤𞤩𞤫 𞤢𞤴𞤲𞤮𞥅𞤩𞤫 𞤬𞤵𞤯𞥆𞤭𞤲𞤮 𞤲𞤢𞥄𞤼𞤵𞤣𞤫 𞤼𞤮𞤲 𞤺𞤭𞤤𞤢 𞤶𞤢𞤥𞤢𞥄𞤲𞤵 𞤤𞤢𞥄𞤥𞤢𞤼𞤫𞥅𞤪𞤭 𞤘𞤢𞤲𞤢 𞤫 𞤃𞤢𞤤𞥆𞤫 (𞤸𞤢𞤳𞥆𞤵𞤲'𞤣𞤫 𞤼𞤫𞥅𞤥𞤭𞤲𞤢𞤲𞤣𞤫 𞥙𞤢𞤩𞤫𞤪𞤫 𞤸𞤢𞥄 𞥑𞥕𞤢𞤩𞤫𞤪𞤫. 𞤘𞤮𞥅𞤼𞤮 𞤫 𞤥𞤵𞤪𞤼𞤢𞤲𞥆𞤮𞥅𞤩𞤫 𞤤𞤢𞥄𞤥𞤢𞤼𞤫𞥅𞤪𞤭 𞤃𞤢𞤤𞥆𞤫 𞤩𞤫𞤲 𞤤𞤢𞥄𞤼𞤭𞤲𞤮 𞤆𞤵𞤤𞥆𞤮 𞤲𞤮 𞤱𞤭’𞤫𞥅 𞤑𞤮𞤤𞤭 𞤚𞤫𞤽𞤫𞤤𞥆𞤢. 𞤖𞤭𞤲𞤮 𞤧𞤭𞤳𞥆𞤢𞥄 𞤑𞤮𞤤𞤭 𞤚𞤫𞤽𞤫𞤤𞥆𞤢 𞤢𞤪𞤣𞤵 𞤫 𞤴𞤭𞤥𞤩𞤫 𞤥𞤵𞤥 𞤸𞤢𞥄 𞤳𞤢 𞤱𞤭’𞤫𞤼𞤫𞥅 𞤯𞤮𞤲 𞤸𞤢𞤲𞤣𞤫 𞤚𞤫𞤤𞤭𞤥𞤭𞤤𞤫⹁ 𞤳𞤮 𞤯𞤮𞤲 𞤮 𞤧𞤵𞤪𞥆𞤢𞥄 (𞤯𞤵𞤥 𞤳𞤮 𞤫 𞤼𞤫𞥅𞤥𞤭𞤲𞤢𞤲𞤣𞤫 𞥑𞥕𞤢𞤩𞤫𞤪𞤫). 𞤑𞤢 𞤢𞤼𞥆𞤮𞤪𞤵𞤥 𞤊𞤵𞤤𞤩𞤫 𞤫 𞤤𞤢𞤧𞤤𞤭𞥅𞤩𞤫 𞤩𞤫𞤲⹁ 𞤯𞤵𞤥 𞤳𞤮 𞤔𞤢𞤤𞤵𞤲𞤳𞤫𞥅𞤩𞤫⹁ 𞤅𞤮𞥅𞤧𞤮𞥅𞤩𞤫 𞤫 𞤤𞤫𞤰𞥆𞤭 𞤺𞤮’𞤮 𞤱𞤢𞤲𞤮 𞤑𞤭𞤧𞤭𞥅𞤩𞤫 𞤫 𞤄𞤢𞥄𞤺𞤢𞥄𞤩𞤫⹁ 𞤩𞤫 𞤸𞤮𞤯𞤭𞤣𞤵𞤲𞤮 𞤫 𞤸𞤮𞥅𞤪𞤫 𞤶𞤢𞤥⹁ 𞤼𞤫𞥅𞤽𞤼𞤭𞥅 𞤲'𞤣𞤫 𞤼𞤢𞤱𞤲𞤮𞥅 𞤩𞤫 𞤬𞤮𞤱 𞤥𞤢𞤩𞥆𞤫 𞤳𞤮 𞤧𞤢𞤲𞤢𞤥𞤵𞥅𞤶𞤭 𞤩𞤫 𞤪𞤫𞤱𞤢𞤴𞤲𞤮𞥅. 𞤑𞤮𞤲𞤮 𞤭𞤼𞥆𞤵𞤣𞤫 𞤫 𞤼𞤫𞥅𞤥𞤭𞤲𞤢𞤲𞤣𞤫 𞥑𞥘𞤢𞤩𞤫𞤪𞤫 𞤢𞤤𞤧𞤭𞤤𞤢𞤥𞤢𞥄𞤳𞤵 𞤬𞤵𞤯𞥆𞤭𞥅 𞤲𞤢𞥄𞤼𞤵𞤣𞤫 𞤫 𞤤𞤫𞤴𞤣𞤭 𞤲'𞤣𞤭𞤲. 𞤑𞤮 𞤊𞤵𞤤𞤩𞤫 𞤭𞤱𞤪𞤵𞤲𞤮𞥅𞤩𞤫 𞤪𞤫𞥅𞤣𞤵 𞤃𞤢𞥄𞤧𞤭𞤲𞤢 𞤱𞤮𞤲𞤵𞤲𞤮𞥅 𞤧𞤢𞤦𞤵 𞤥𞤵𞤥. 𞤐'𞤁𞤫 𞤩𞤫 𞤼𞤢𞤱𞤲𞤮𞥅 𞤩𞤫 𞤬𞤵𞤯𞥆𞤭𞤳𞤫 𞤯𞤵𞥅𞤯𞤵𞤣𞤫 𞤫 𞤣𞤮𞥅𞤤𞤲𞤵𞤣𞤫⹁ 𞤩𞤫 𞤥𞤵𞤪𞤼𞤭𞤼𞤢𞤲𞤭 𞤔𞤢𞤤𞤵𞤲𞤳𞤫𞥅𞤩𞤫 𞤩𞤫𞤲. 𞤖𞤢𞤪𞤫𞥅𞤶𞤭 𞤶𞤭𞤸𞤢𞥄𞤣𞤭 𞤱𞤵𞤤𞤯𞤭 𞤸𞤵𞤩𞥆𞤭 𞤫 𞤤𞤫𞤴𞤣𞤭 𞤲'𞤣𞤭𞤲. 𞤑𞤮𞤲𞤮 𞤶𞤵𞥅𞤤𞤩𞤫 𞤩𞤫𞤲 𞤸𞤫𞤩𞤭 𞤨𞤮𞥅𞤤𞤺𞤢𞤤. 𞤑𞤮 𞤳𞤢 𞤳𞤮𞤲𞤵 𞤚𞤢𞤤𞤢𞤲𞤧𞤢𞤲⹁ 𞤤𞤢𞥄𞤼𞤭𞤲𞤮𞥅𞤲'𞤺𞤵 𞤫 𞤸𞤭𞤼𞤢𞥄𞤲'𞤣𞤫 𞥑𞥗𞥒𞥕 𞤊𞤵𞤤𞤩𞤫 𞤩𞤫𞤲 𞤬𞤮𞥅𞤤𞤭 𞤬𞤫𞤧 𞤩𞤫 𞤧𞤭𞤲𞤷𞤭 𞤣𞤢𞤱𞤤𞤢 𞤢𞤤𞤥𞤢𞤥𞤢𞥄𞤳𞤵 𞤫 𞤤𞤫𞤴 𞤢𞤪𞤣𞤵𞤲'𞤺𞤢𞤤 𞤀𞤤𞤬𞤢𞥄 𞤋𞤦𞤪𞤢𞤸𞤭𞥅𞤥𞤢 𞤅𞤢𞤥𞤦𞤫𞤺𞤵⹁ 𞤩𞤵𞤪𞤯𞤮 𞤤𞤮𞤤𞥆𞤭𞤪𞤣𞤫 𞤑𞤢𞤪𞤢𞤥𞤮𞤳𞤮 𞤀𞤤𞤬𞤢𞥄. 𞤁𞤭𞥅𞤱𞤫 𞥙 𞤧𞤭𞤲𞤷𞤢𞥄. 𞤑𞤢𞤲𞤶𞤫 𞤱𞤮𞤲𞤭: 𞤚𞤭𞤥𞤦𞤮 (𞤤𞤢𞥄𞤥𞤮𞤪𞤣𞤫 𞤲'𞤣𞤫𞤲)⹁ 𞤚𞤭𞤥𞤦𞤭 𞤚𞤵𞤲𞥆𞤭⹁ 𞤑𞤫𞥅𞤦𞤢𞥄𞤤𞤭⹁ 𞤑𞤮𞤴𞤭𞤲⹁ 𞤑𞤮𞤤𞥆𞤢𞥄𞤯𞤫⹁ 𞤇𞤵𞤪𞤭𞤴𞤢𞥄⹁ 𞤊𞤮𞥅𞤣𞤫𞥅 𞤖𞤢𞤶𞥆𞤭⹁ 𞤊𞤵𞤺𞤵𞤥𞤦𞤢𞥄⹁ 𞤂𞤢𞤦𞤫. 𞤁𞤭𞥅𞤱𞤢𞤤 𞤳𞤢𞤤𞤢 𞤲𞤮 𞤥𞤢𞤪𞤭 𞤤𞤢𞥄𞤥𞤯𞤮 𞤥𞤵𞤥. 𞤑𞤮 𞤀𞤤𞤥𞤢𞥄𞤥𞤭 𞤮𞤲 𞤱𞤮𞤲𞤭 𞤸𞤮𞥅𞤪𞤫𞥅𞤶𞤮 𞤊𞤵𞥅𞤼𞤢 𞤮𞤲 𞤬𞤮𞤱⹁ 𞤸𞤫𞤤𞥆𞤢 𞤳𞤢 𞤣𞤢𞤱𞤪𞤵𞤺𞤮𞤤 𞤫 𞤸𞤫𞤤𞥆𞤢 𞤳𞤢 𞤣𞤭𞥅𞤲𞤢.
𞤊𞤭𞥅 𞤣𞤢𞤲𞤣𞤵𞤺𞤮𞤤 𞤤𞤫𞤴𞤣𞤭 𞤲'𞤣𞤭𞤲 𞤨𞤭𞥅𞤪𞤮 𞤬𞤭𞥅 𞤤𞤢𞥄𞤥𞤵⹁ 𞤼𞤵𞥅𞤺𞤭𞤲𞤮𞤪𞤣𞤫 𞤊𞤵𞥅𞤼𞤢 𞤲'𞤣𞤫𞤲 𞤸𞤢𞤤𞤬𞤭𞤲𞤭 𞤤𞤢𞥄𞤥𞤵 𞤲'𞤺𞤵𞤲 𞤷𞤵𞥅𞤯𞤭 𞤯𞤭𞤯𞤭⹁ 𞤅𞤮𞤪𞤭𞤴𞤢𞥄 𞤫 𞤀𞤤𞤬𞤢𞥄𞤴𞤢𞥄⹁ 𞤸𞤢𞤨𞥆𞤢𞤲𞤭 𞤧𞤵𞥅𞤣𞤵 𞤳𞤢𞤤𞤢 𞤣𞤵𞥅𞤩𞤭 𞤯𞤭𞤯𞤭. 𞤐'𞤘𞤢𞤤 𞤤𞤮𞤥𞤼𞤮𞤲'𞤣𞤭𞤪𞤢𞤤 𞤳𞤢 𞤤𞤢𞥄𞤥𞤵 𞤸𞤢𞤯𞤢𞥄𞤤𞤭 𞤬𞤭𞤼𞤭𞤲𞤢𞥄𞤶𞤭 𞤴𞤢𞤲𞤵𞤣𞤫 𞤸𞤢𞤳𞥆𞤵𞤲'𞤣𞤫 𞤷𞤵𞥅𞤯𞤭 𞤯𞤭𞤲 𞤯𞤭𞤯𞤭. 𞤐'𞤁𞤫 𞤼𞤢𞤱𞤲𞤮𞥅 𞤳𞤢𞤣𞤭 𞤳𞤮 𞤲'𞤶𞤵𞤩𞥆𞤵𞤣𞤭 𞤤𞤢𞥄𞤥𞤵 𞤬𞤫𞤣𞤫𞤪𞤢𞤧𞤭𞤴𞤮𞤲⹁ 𞤣𞤭𞥅𞤱𞤫 𞤯𞤫𞤲 𞤲𞤮 𞤶𞤮𞤳𞥆𞤵𞤲𞤮𞥅 𞤼𞤵𞤲 𞤸𞤫𞤩𞤼𞤵𞤺𞤮𞤤 𞤺𞤫𞤩𞤮𞤴 𞤺𞤫𞤩𞤮𞤴 𞤫 𞤲'𞤦𞤢𞥄𞤱𞤳𞤢 𞤳𞤢𞤲. 𞤑𞤮 𞤯𞤵𞤥 𞤤𞤮’𞤭𞤲𞤭 𞤊𞤵𞥅𞤼𞤢 𞤱𞤫𞥅𞤩𞤭𞤲𞤢𞤲𞤭 𞤊𞤢𞤪𞤢𞤲𞤧𞤭𞥅𞤩𞤫 𞤲𞤢𞥄𞤼𞤵𞤺𞤮𞤤. 𞤕𞤢𞤺𞥆𞤢𞤤 𞤲'𞤣𞤫 𞤩𞤫 𞤬𞤮𞥅𞤤𞤵𞤲𞤮𞥅 𞤳𞤢 𞤸𞤢𞤪𞤫 𞤆𞤮𞥅𞤪𞤫𞤣𞤢𞥄𞤳𞤢 𞤫 𞤸𞤭𞤼𞤢𞥄𞤲'𞤣𞤫 𞥑𞥘𞥙𞥖⹁ 𞤩𞤫 𞤦𞤮𞤲𞥆𞤭𞤼𞤭 𞤢𞤤𞤥𞤢𞤥𞤢𞥄𞤳𞤵 𞤲'𞤺𞤵𞤲 𞤩𞤫 𞤤𞤢𞤲𞤷𞤭 𞤴𞤵𞤩𞥆𞤮 𞤣𞤢𞤱𞤪𞤮𞤴𞤢𞤲𞤳𞤫𞥅𞤱𞤮 𞤲'𞤺𞤮𞤲. 𞤑𞤮 𞤯𞤮𞤲 𞤼𞤢𞥄𞤪𞤭𞥅𞤳𞤢 𞤊𞤵𞤤𞤩𞤫 𞤊𞤵𞥅𞤼𞤢 𞤸𞤫𞥅𞤪𞤼𞤭𞥅𞤯𞤮 𞤮𞤲 𞤼𞤭𞤥𞥆𞤭 𞤧𞤢𞤦𞤵 𞤺𞤭𞤤𞤢 𞤮𞤲 𞤧𞤢𞥄𞤲'𞤺𞤢 𞤤𞤫𞤴𞤣𞤭 𞤲'𞤣𞤭𞤲 𞤳𞤮 𞤫 𞤲'𞤣𞤫𞤪 𞤤𞤫𞤴𞤣𞤭 𞤩𞤵𞤪𞤲'𞤣𞤭 𞤴𞤢𞥄𞤶𞤵𞤣𞤫⹁ 𞤭𞤲𞥆𞤢𞥄𞤲'𞤣𞤭 𞤘𞤭𞤲𞤫 𞤶𞤫𞤴𞤢𞥄.
𞤊𞤵𞥅𞤼𞤢 𞤤𞤢𞥄𞤼𞤭𞤲𞤮 𞤤𞤫𞤴𞤣𞤭 𞤺𞤢𞤲𞤣𞤢𞤤 𞤫 𞤣𞤭𞥅𞤲𞤢 𞤫 𞤨𞤭𞤲𞤢𞤤 𞤫 𞤯𞤭𞤲 𞤶𞤢𞤥𞤢𞥄𞤲𞤵𞥅𞤶𞤭. 𞤉𞤲 𞤤𞤭𞤥𞤼𞤢𞤴 𞤴𞤮𞤺𞤢 𞤫 𞤷𞤫𞥅𞤪𞤲𞤮𞥅𞤩𞤫⹁ 𞤳𞤢𞤪𞤢𞤥𞤮𞤳𞤮𞥅𞤩𞤫 𞤫 𞤱𞤢𞤤𞤭𞤴𞥆𞤵𞥅𞤩𞤫 𞤲𞤢𞤲𞤼𞤵𞤩𞤫 𞤭𞤲𞤣𞤫 𞤱𞤢𞤲𞤮: 𞤕𞤫𞥅𞤪𞤲𞤮 𞤀𞤤𞤭𞤴𞥆𞤵 𞤘𞤮𞤥𞤦𞤢𞥄⹁ 𞤕𞤫𞥅𞤪𞤲𞤮 𞤀𞤤𞤭𞤴𞥆𞤵 𞤇𞤵𞥅𞤩𞤢 𞤐'𞤁𞤭𞤴𞤢𞤥⹁ 𞤕𞤫𞥅𞤪𞤲𞤮 𞤅𞤢𞥄𞤣𞤵 𞤁𞤢𞤤𞤫𞤲⹁ 𞤕𞤫𞥅𞤪𞤲𞤮 𞤃𞤢𞥄𞤱𞤭𞤴𞤢𞤼𞤵 𞤃𞤢𞥄𞤧𞤭⹁ 𞤕𞤫𞥅𞤪𞤲𞤮 𞤅𞤢𞤥𞤦𞤢 𞤃𞤮𞤥𞤦𞤫𞤴𞤢𞥄. 𞤇𞤫𞤲 𞤷𞤫𞥅𞤪𞤲𞤮𞥅𞤩𞤫 𞤱𞤢𞤤𞥆𞤭𞤬𞤭𞤲𞤮 𞤣𞤫𞤬𞤼𞤫 𞤯𞤵𞥅𞤯𞤵𞤯𞤫 𞤫 𞤢𞥄𞤪𞤢𞤦𞤵𞥅𞤪𞤫 𞤳𞤢𞤻𞤵𞤥 𞤫 𞤨𞤵𞤤𞤢𞤪⹁ 𞤱𞤢𞤲𞤮 𞤣𞤫𞤬𞤼𞤫𞤪𞤫 𞤣𞤭𞥅𞤲𞤢 𞤤𞤮𞤤𞥆𞤵𞤲'𞤣𞤫⹁ 𞤌𞥅𞤺𞤭𞤪𞤣𞤫 𞤃𞤢𞤤𞤢𞤤⹁ 𞤲'𞤣𞤫 𞤕𞤫𞥅𞤪𞤲𞤮 𞤅𞤢𞤥𞤦𞤢 𞤃𞤮𞤥𞤦𞤫𞤴𞤢𞥄 𞤱𞤢𞤤𞥆𞤭𞤬𞤭𞥅 𞤫 𞤨𞤵𞤤𞤢𞤪.
S. G. T