𞤔𞤢𞥄𞤩𞤭-𞤖𞤢𞥄𞤯𞤼𞤭𞤪𞤣𞤫 𞤢𞤦𞤣𞤫𞤤 𞤲𞤢𞥄𞤧𞤭𞤪𞤵 𞤑𞤮𞤲𞤢𞥄𞤳𞤭𞤪𞤭
𞤁𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤘𞤢𞤥𞤢𞤤 𞤀𞤦𞤣𞤫𞤤 𞤐𞤢𞥄𞤧𞤫𞤪 𞤼𞤮 𞤑𞤮𞤲𞤢𞤳𞤪𞤭 (𞤓𞤘𞤀𞤐𞤕) 𞤱𞤮𞤲𞤭 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤩𞤵𞤪𞤲'𞤣𞤫 𞤥𞤢𞤱𞤲𞤵𞤣𞤫 𞤫 𞤤𞤫𞤴𞤣𞤭 𞤘𞤭𞤲𞤫. 𞤌 𞤱𞤮𞤲𞤭 𞤳𞤮 𞤫 𞤳𞤮𞤥𞤭𞤲 𞤁𞤭𞤿𞤭𞤲𞥆⹁ 𞤑𞤮𞤲𞤢𞥄𞤳𞤭𞤪𞤭⹁ 𞤤𞤫𞤴𞤣𞤭 𞤘𞤭𞤲𞤫. 𞤋𞤲𞤣𞤫 𞤥𞤢𞤴𞤪𞤫 𞤭𞤲𞤢 𞤸𞤫𞥅𞤱𞤭 𞤶𞤵𞥅𞤼𞤣𞤫 𞤫 𞤁𞤵𞤯𞤢𞤤 𞤔𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤑𞤮𞤲𞤢𞤳𞤪𞤭.
𞤚𞤢𞤪𞤭𞤴𞤢
𞤁𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤲'𞤺𞤢𞤤 𞤧𞤮𞤧𞤢𞥄 𞤳𞤮 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥖𞥒 𞤫 𞤱𞤭𞤴𞤫𞥅 𞤋𞤲𞤧𞤼𞤭𞤼𞤵𞤼 𞤆𞤮𞤤𞤴𞤼𞤫𞤷𞤸𞤲𞤭𞤹𞤵𞤫 𞤣𞤫 𞤕𞤮𞤲𞤢𞤳𞤪𞤴⹁ 𞤱𞤮𞤲𞤭 𞤣𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤺𞤢𞤣𞤢𞤲𞤢𞤤 𞤫 𞤲'𞤣𞤫𞤪 𞤤𞤫𞤴𞤣𞤭 𞤘𞤭𞤲𞤫 [𞥑] 𞤫 𞤦𞤢𞤤𞥆𞤢𞤤 𞤁𞤫𞤲𞤼𞤢𞤤 𞤅𞤮𞤱𞤭𞤴𞤫𞤼. [𞥒] 𞤐'𞤁𞤫 𞤧𞤮𞤧𞤢𞥄 𞤳𞤮 𞤫 𞤴𞤮𞤲𞤼𞤢 𞤰𞤫𞤤𞥆𞤭𞤼𞤢𞥄𞤪𞤫 𞤬𞤢𞤺𞥆𞤵𞤣𞤵 𞤤𞤫𞤴𞤣𞤭 𞤲'𞤣𞤭𞥅 𞤧𞤫𞥅𞤯𞤢-𞤧𞤫𞥅𞤯𞤢 𞤷𞤢𞤺𞥆𞤢𞤤 𞤶𞤫𞤴𞤼𞤢𞥄𞤪𞤫 𞤥𞤵𞤥. [𞥓] 𞤉 𞤸𞤭𞤼𞤢𞥄𞤲'𞤣𞤫 𞥑𞥙𞥗𞥐⹁ 𞤭𞤲𞤣𞤫 𞤣𞤵𞤯𞤢𞤤 𞤲'𞤺𞤢𞤤 𞤱𞤢𞤴𞤤𞤢𞥄𞤥𞤢⹁ 𞤱𞤮𞤲𞤼𞤭 𞤁𞤵𞤯𞤢𞤤 𞤔𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤘𞤢𞤥𞤢𞤤 𞤀𞤦𞤣𞤫𞤤 𞤐𞤢𞤧𞥆𞤫𞤪 𞤣𞤫 𞤕𞤮𞤲𞤢𞤳𞤪𞤴 (𞤋𞤆𞤘𞤀𞤐)⹁ [𞥑] 𞤲'𞤺𞤢𞤥 𞤼𞤫𞤣𞥆𞤭𞤲'𞤣𞤫 𞤘𞤢𞤥𞤢𞤤 𞤀𞤦𞤣𞤫𞤤 𞤐𞤢𞤧𞥆𞤫𞤪⹁ 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤃𞤭𞤧𞤪𞤢 𞤤𞤮𞤤𞥆𞤵𞤯𞤮. 𞤉 𞤸𞤭𞤼𞤢𞥄𞤲'𞤣𞤫 𞥑𞥙𞥘𞥙⹁ 𞤲'𞤣𞤫 𞤭𞤲𞥆𞤭𞤪𞤢𞥄 𞤳𞤢𞤣𞤭⹁ 𞤮𞥅𞤲 𞤧𞤢𞤸𞤢𞥄 𞤲'𞤣𞤫 𞤭𞤲𞥆𞤭𞤪𞤢𞥄 𞤁𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤘𞤢𞤥𞤢𞤤 𞤀𞤦𞤣𞤫𞤤 𞤐𞤢𞤧𞤫𞤪 𞤼𞤮 𞤑𞤮𞤲𞤢𞥄𞤳𞤭𞤪𞤭. [𞥑]
𞤉 𞤸𞤭𞤼𞤢𞥄𞤲'𞤣𞤫 𞥑𞥙𞥖𞥕⹁ 𞤣𞤵𞤯𞤢𞤤 𞤼𞤮𞥅𞤱𞤲'𞤺𞤢𞤤 𞤲'𞤶𞤵𞤩𞥆𞤵𞤣𞤭 𞤷𞤫𞥅𞤪𞤼𞤵𞤲'𞤺𞤢𞤤 𞤲𞤢𞥄𞤼𞤲𞤢𞥄 𞤫 𞤁𞤵𞤯𞤢𞤤 𞤆𞤮𞤤𞤭𞤼𞤫𞤳𞤲𞤭𞤳. [𞥔]
𞤁𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤲'𞤺𞤢𞤤 𞤭𞤲𞤢 𞤶𞤮𞤺𞤭𞥅 𞤤𞤮𞤱𞤪𞤫 𞤮𞤪𞤣𞤭𞤲𞤢𞤼𞤫𞥅𞤪 𞤫 𞤲'𞤣𞤫𞤪 𞤣𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤲'𞤺𞤢𞤤⹁ 𞤼𞤢𞤱𞤢 𞤭𞤲𞤢 𞤱𞤢𞤯𞤭 𞤳𞤢𞤩𞤭𞤪𞤯𞤫 𞤬𞤭𞤦𞤪𞤫 𞤮𞤨𞤼𞤭𞤹𞤵𞤫 𞤫 𞤳𞤢𞤩𞤭𞤪𞤯𞤫 𞥑𞥐𞥐𞤄𞤢𞤧𞤫𞤚 𞤉𞤼𞤸𞤫𞤪𞤲𞤫𞤼 𞤺𞤭𞤤𞤢 𞥒𞥐𞥐𞥗⹁ 𞤳𞤢𞤥 𞤫 𞥑 𞥐𞥐𞥐 𞤮𞤪𞤣𞤭𞤲𞤢𞤼𞤫𞥅𞤪 𞤱𞤮𞤲𞤢𞤲'𞤣𞤫 𞤺𞤮𞤤𞥆𞤮𞤼𞤮𞥅𞤩𞤫 𞤣𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤲'𞤺𞤢𞤤. 𞤊𞤫𞤣𞥆𞤫 𞤀𞤥𞤫𞤪𞤭𞤳𞤲𞤢𞥄𞤪𞤫 𞤼𞤮𞤨𞥆𞤭𞤼𞤭𞥅𞤲'𞤣𞤫 𞤰𞤫𞤤𞥆𞤭𞤼𞤢𞥄𞤪𞤫 𞤱𞤭𞤲𞤣𞤫𞤪𞤫 𞤲'𞤣𞤫𞥅 𞤱𞤢𞤤𞥆𞤭𞤼𞤭𞥅 𞤫 𞤧𞤮𞤧𞤣𞤫 𞤤𞤮𞤱𞤪𞤫 𞤲'𞤣𞤫𞥅 𞤫 𞤶𞤮𞤳𞥆𞤮𞤲'𞤣𞤭𞤪𞤢𞤤 𞤭𞤲𞤼𞤫𞤪𞤲𞤫𞤼 𞤲'𞤺𞤢𞤤. 𞤑𞤢𞤤𞤢 𞤬𞤢𞤷𞤵𞤤𞤼é 𞤭𞤲𞤢 𞤪𞤮𞤳𞥆𞤢 𞤤𞤢𞤦𞤮𞤪𞤢𞤼𞤵𞤱𞤢𞥄𞤪 𞤮𞤪𞤣𞤭𞤲𞤢𞤼𞤫𞥅𞤪 𞤱𞤮𞤲𞤢𞤲'𞤣𞤫 𞤶𞤢𞤲𞤺𞤭𞤲𞤮𞥅𞤩𞤫 𞤫 𞤢𞤤𞤥𞤵𞤣𞤩𞤫⹁ 𞤳𞤮𞤲𞤮 𞤤𞤭𞤥𞤪𞤫 𞤮𞤪𞤣𞤭𞤲𞤢𞤼𞤫𞥅𞤪 𞤫 𞤳𞤵𞥅𞤼𞤮𞤪𞤼𞤮𞥅𞤯𞤮 𞤳𞤮 𞥑:𞥑𞥐𞥐 𞤼𞤢𞤲. [𞥕] 𞤑𞤵𞤪𞤧𞤫𞥅𞤶𞤭 𞤣𞤵𞤯𞤫 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤭𞤲𞤢 𞤲'𞤣𞤮𞤳𞥆𞤫𞥅. [𞥕]
𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥒⹁ 𞤶𞤢𞤽𞤣𞤫 𞤲𞤢𞥄𞤼𞤺𞤮𞤤 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤲'𞤣𞤫𞥅 𞤱𞤮𞤨𞥆𞤭𞤼𞤢𞥄⹁ 𞤼𞤢𞤱𞤭 𞤳𞤮 𞤤𞤵𞥅𞤪𞤢𞤤. [𞥖]
| No | Innde e innde | Ko'e maɓɓe | fuɗɗam | Fuuɗugo |
|---|---|---|---|---|
| 01 | Albert Boirayon | Hooreejo IPC | 1962 | 1964 |
| 02 | Michel Kolet | Jaɓɓorgo Kewuuji pinal | 1964 | 1967 |
| 03 | Sekou Manton Camara | Jaɓɓorgo Kewuuji pinal | 1967 | 1969 |
| 04 | Moriba Magassouba | Jaɓɓorgo Kewuuji pinal | 1969 | 1970 |
| 05 | Ibrahima K Fofana | Jaɓɓorgo Kewuuji pinal | 1971 | 1972 |
| 06 | Fode Lamine Toure | Jaɓɓorgo Kewuuji pinal | 1972 | 1973 |
| 07 | K Kourouma | Hooreejo IPCGANC | 1973 | 1975 |
| 08 | Moriba Magassouba | Hooreejo IPCGANC | 1975 | 1976 |
| 09 | Dr Mamady Nabe | Hooreejo IPCGANC | 1976 | 1978 |
| 10 | Dr. Aly B. Doukoure | Hooreejo IPCGANC | 1978 | 1984 |
| 11 | Alseny Boiro | Hooreejo IPCGANC | 1984 | 1987 |
| 12 | Aboubacar Sompare | Wuro UGANC | 1987 | 1989 |
| 13 | Dr Salif Sylla | Wuro UGANC | 1989 | 1991 |
| 14 | Pr Moh L Kaba | Wuro UGANC | 1991 | 2002 |
| 15 | Pr Nanamoudou Magassouba | Wuro UGANC | 2002 | 2003 |
| 16 | Ousmane Sylla | Wuro UGANC | 2003 | 2006 |
| 17 | Dr Alpha Mamadou Diallo | Wuro UGANC | 2006 | 2008 |
| 18 | Yazora Soropogui | Wuro UGANC | 2008 | 2010 |
| 19 | Ibrahima Moriah Conte | Wuro UGANC | 2010 | 2011 |
| 20 | Pr Doussou Lancine Traore | Wuro UGANC | 2011 | 2022 |
| 21 | Dr Alpha Kabinet Keita | Wuro UGANC | 2022 | Ɗuum ɗon waɗa |
𞤊𞤢𞤷𞤵𞤤𞤼𞤫𞥅𞤶𞤭 𞤯𞤭𞥅
𞤁𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤲'𞤺𞤢𞤤 𞤭𞤲𞤢 𞤶𞤮𞤺𞤭𞤲𞤮𞥅 𞤣𞤵𞤯𞤫 𞥑𞥓 𞤫 𞤬𞤢𞤷𞤵𞤤𞤼é𞤧⹁ 𞤭𞤲𞤢 𞤸𞤫𞥅𞤲 𞤧𞤢𞤬𞤢𞥄𞤪𞤢. [𞥒] 𞤋𞤲𞤢 𞤶𞤮𞤺𞤭𞥅 𞤸𞤢𞤲𞤣𞤫 𞤊𞤢𞤷𞤵𞤤𞤼é 𞤣𞤫 𞤃é𞤣𞤫𞤷𞤭𞤲𞤫⹁ 𞤊𞤢𞤪𞤥𞤢𞤧𞤭 𞤫 𞤌𞤣𞤮𞤲𞤼𞤮𞤧𞤼𞤮𞤥𞤢𞤼𞤮𞤤𞤮𞤺𞤭𞤫⹁ 𞤭𞤲𞤢 𞤱𞤢𞤯𞤭 𞤣𞤫𞤨𞤢𞤪𞤼𞤫𞤥𞤢𞥄 𞤱𞤮𞤲𞤢𞤲'𞤣𞤫 𞤳𞤢𞤤𞤢 𞤬𞤢𞤲𞥆𞤵 𞤼𞤢𞤼𞤭 : 𞤊𞤢𞤷𞤵𞤤𞤼é 𞤣𞤫 𞤅𞤷𞤭𞤫𞤲𞤷𞤫𞤧⹁ 𞤭𞤲𞤢 𞤱𞤢𞤯𞤭 𞤣𞤫𞤨𞤢𞤪𞤼𞤫𞤥𞤢𞥄𞤶𞤭 𞤦𞤭𞤴𞤮𞤤𞤮𞤶𞤭⹁ 𞤳𞤫𞤥𞤭𞤳𞤢𞤤⹁ 𞤸𞤭𞥅𞤧𞤢 𞤫 𞤬𞤭𞤧𞤭𞤳 ⁏ 𞤲𞤮𞤳𞥆𞤵 𞤶𞤢𞤲𞤺𞤭𞤪𞤣𞤫 𞤫 𞤱𞤭𞤯𞤼𞤮𞥅𞤶𞤭 𞤳𞤮 𞤬𞤢𞥄𞤼𞤭 𞤫 𞤲𞤮𞤳𞥆𞤵𞥅𞤶𞤭 ⁏ 𞤲𞤮𞤳𞥆𞤵 𞤮𞤪𞤣𞤭𞤲𞤢𞤼𞤫𞥅𞤪⁏ 𞤫 𞤁𞤵𞤯𞤢𞤤 𞤆𞤮𞤤𞤭𞤼𞤫𞤳𞤲𞤭𞤳⹁ 𞤶𞤮𞤺𞤭𞥅𞤲'𞤺𞤢𞤤 𞤣𞤫𞤨𞤢𞤪𞤼𞤫𞤥𞤢𞥄𞤶𞤭 𞤺𞤢𞤲𞤣𞤢𞤤 𞤳𞤵𞥅𞤪𞤢𞥄⹁ 𞤺𞤢𞤲𞤣𞤢𞤤 𞤧𞤭𞤱𞤭𞤤⹁ 𞤺𞤢𞤲𞤣𞤢𞤤 𞤮𞤪𞤣𞤭𞤲𞤢𞤼𞤫𞥅𞤪⹁ 𞤺𞤢𞤲𞤣𞤢𞤤 𞤳𞤫𞤥𞤭𞤳𞤢𞤤⹁ 𞤺𞤢𞤲𞤣𞤢𞤤 𞤺𞤮𞤤𞥆𞤮𞤪𞤯𞤫 𞤫 𞤼𞤮𞤨𞥆𞤭𞤼𞤢𞤺𞤮𞤤⹁ 𞤺𞤢𞤲𞤣𞤢𞤤 𞤥𞤢𞤧𞤭𞤽𞤢𞥄𞤶𞤭 𞤫 𞤼𞤫𞤤𞤫𞤬𞤮𞤽𞤢𞥄𞤶𞤭. [𞥗]
𞤙𞤢𞤤𞤲'𞤣𞤫 𞥒𞥑 𞤧𞤵𞤱𞤫𞥅 𞥒𞥐𞥑𞥕⹁ 𞤲𞤢𞤲𞤮𞤲'𞤣𞤭𞤪𞤢𞤤 𞤧𞤭𞥅𞤬𞤢𞥄𞤥𞤢 𞤼𞤮 𞤑𞤮𞤲𞤢𞥄𞤳𞤭𞤪𞤭 𞤸𞤢𞤳𞥆𞤵𞤲'𞤣𞤫 𞤘𞤭𞤲𞤫 𞤫 𞤁𞤵𞤯𞤢𞤤 𞤆𞤢𞤧𞤼𞤫𞤵𞤪 𞤲'𞤺𞤢𞤥 𞤧𞤮𞤧𞤣𞤫 𞤁𞤵𞤯𞤢𞤤 𞤆𞤢𞤧𞤼𞤫𞤵𞤪 𞤘𞤭𞤲𞤫⹁ 𞤲'𞤺𞤢𞤤 𞤱𞤮𞤲𞤢𞤼𞤢 𞤣𞤫𞤨𞤢𞤪𞤼𞤫𞤥𞤢𞥄 𞤳𞤫𞥅𞤪𞤭𞥅𞤯𞤮 𞤫 𞤁𞤵𞤯𞤢𞤤 𞤶𞤢𞥄𞤩𞤭-𞤸𞤢𞥄𞤯𞤼𞤭𞤪𞤣𞤫 𞤑𞤮𞤲𞤢𞤳𞤭𞤪𞤭. [𞥘]
𞤑𞤮 𞤫 𞤲'𞤣𞤫𞤪 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤲'𞤺𞤢𞤤 𞤳𞤢𞤣𞤭 𞤱𞤮𞤲𞤭 𞤲𞤮𞤳𞥆𞤵 𞤦𞤭𞤴𞤫𞤼𞤫𞥅𞤯𞤮 𞤖𞤫𞤪𞤦𞤭𞤫𞤪 𞤐𞤢𞤼𞤭𞤮𞤲𞤢𞤤 𞤁𞤫 𞤘𞤵𞤭𞤲é𞤫⹁ 𞤱𞤮𞤲𞤭 𞤲𞤮𞤳𞥆𞤵 𞤦𞤭𞤴𞤫𞤼𞤫𞥅𞤯𞤮 𞤖𞤫𞤪𞤦𞤢𞤪𞤭𞤵𞤥 𞤲'𞤺𞤫𞤲𞤣𞤭𞥅𞤶𞤮 𞤘𞤭𞤲𞤫.
𞤎𞤫𞥅𞤱 𞤳𞤢𞤣𞤭
𞤁𞤮𞤺𞥆𞤮𞤤 𞤣𞤵𞤯𞤫 𞤶𞤢𞤲𞤺𞤭𞤪𞤯𞤫 𞤤𞤭𞤧𞤤𞤢𞥄𞤥
𞤁𞤮𞤺𞥆𞤮𞤤 𞤥𞤢𞤸𞤢𞥄𞤯𞤫 𞤫 𞤳𞤵𞤩𞤫𞥅𞤶𞤫 𞤫 𞤲'𞤣𞤫𞤪 𞤤𞤫𞤴𞤣𞤭 𞤘𞤭𞤲𞤫