𞤕𞤢𞤫 𞤏𞤵𞤤𞤭𞥅𞤯𞤫

𞤏𞤵𞤪𞤮 𞤥𞤢𞤶𞥆𞤵𞤲'𞤺𞤮 𞤳𞤮 𞤱𞤵𞤪𞤮 𞤲'𞤺𞤮 𞤴𞤢𞤲𞤭 𞤫 𞤽𞤢𞤳𞥆𞤫𞥅𞤲'𞤣𞤫⹁ 𞤱𞤮𞤲𞤼𞤭 𞤳𞤮 𞤩𞤵𞤪𞤭 𞤸𞤫𞥅𞤱𞤣𞤫 𞤱𞤢𞤤𞥆𞤢 𞤳𞤮 𞤸𞤫𞥅𞤱𞤭⹁ 𞤳𞤮 𞤯𞤵𞤥 𞤱𞤢𞤯𞤭 𞤲𞤢𞤬𞤮𞥅𞤪𞤫 𞤲𞤮𞤳𞥆𞤵 𞤮𞥅 𞤳𞤮 𞤢𞤣𞤭𞥅 𞤯𞤵𞥅𞤥 𞤲𞤢𞤼𞥆𞤭𞥅 𞤢𞤲𞤣𞤫𞥅𞤣𞤫 𞤫 𞤱𞤭𞤲𞤣𞤫𞤪𞤫 𞤲'𞤣𞤫𞥅 𞤳𞤢𞤤𞤢. 𞤐𞤮𞤳𞥆𞤵𞥅𞤶𞤭 𞤺𞤵𞤪𞤫 𞤳𞤫𞥅𞤱𞤯𞤫 𞤥𞤢𞤶𞥆𞤵𞤯𞤫 𞤯𞤫𞥅 𞤲'𞤶𞤫𞤶𞥆𞤭𞤼𞤢𞥄𞤥𞤢⹁ 𞤳𞤮𞤲𞤮 𞤱𞤮𞤲 𞤸𞤫𞥅𞤲 𞤳𞤮 𞤢𞤲𞤣𞤵𞤩𞤫 𞤲'𞤶𞤭𞤴𞤼𞤭 𞤯𞤵𞤥 𞤫𞤲⹁ 𞤲'𞤶𞤢𞤲𞤺𞤭 𞤯𞤵𞤥 𞤫𞤲 𞤲𞤮 𞤬𞤫𞥅𞤱𞤭. 𞤏𞤵𞤪𞤮𞥅𞤶𞤭 𞤯𞤭 𞤩𞤮𞥅𞤴𞤢𞥄𞤲𞤭 𞤳𞤮 𞤲'𞤶𞤭𞤨𞥆𞤭𞤲𞤢𞥄 𞤱𞤢𞤤𞥆𞤢 𞤯𞤭 𞤲𞤮𞤳𞥆𞤵𞥅𞤶𞤭 𞤥𞤵𞤥 𞤫𞤲 𞤥𞤫𞥅𞤯𞤢𞥄 𞤲𞤢𞥄𞤥𞤲𞤫𞥅𞤣𞤫 𞤭𞤲𞤢 𞤲'𞤦𞤢𞥄𞤱𞤭 𞤱𞤭𞤴𞤫𞥅𞤣𞤫 𞤳𞤮 𞤲'𞤦𞤮𞤪𞤮𞤧𞤢𞥄𞤶𞤭 𞤱𞤢𞤤𞥆𞤢 𞤺𞤵𞤪𞤫 𞤺𞤮𞤲𞤯𞤫 𞤫 𞤰𞤭𞥅𞤰𞤢𞤥. 𞤑𞤮𞤯𞤳𞤭𞥅𞤶𞤭 𞤼𞤮𞤳𞤮𞥅𞤧𞤭 𞤭𞤲𞤢 𞤲'𞤦𞤢𞥄𞤱𞤭 𞤧𞤭𞤬𞤮𞤪𞤫𞥅𞤣𞤫 𞤲𞤮 𞤺𞤵𞤪𞤫 𞤯𞤫 𞤲'𞤶𞤭𞤨𞥆𞤭𞤲𞤢𞥄𞤳𞤢. 𞤒𞤭𞤴𞤤𞤢𞥄𞤣𞤫 𞤯𞤫𞥅𞤲 𞤺𞤵𞤪𞤫 𞤥𞤢𞤶𞥆𞤵𞤯𞤫 𞤯𞤫 𞤱𞤭𞤯𞤼𞤮𞥅𞤩𞤫 𞤫 𞤴𞤢𞤸𞤮𞥅𞤩𞤫 𞤌𞤪𞤮𞤨𞤲𞤢𞥄𞤩𞤫 𞤲'𞤦𞤢𞤯𞤭 𞤫 𞤲'𞤣𞤫𞤪 𞤀𞤬𞤪𞤭𞤳⹁ 𞤀𞤥𞤫𞤪𞤭𞤳⹁ 𞤫 𞤀𞤧𞤭𞥅 𞤬𞤵𞤯𞤲𞤢𞥄𞤲'𞤺𞤫-𞤪𞤫𞤱𞤮 𞤬𞤵𞤯𞥆𞤮𞤪𞤢𞥄𞤣𞤫 𞤫 𞤼𞤫𞥅𞤥𞤭𞤲𞤢𞤲𞤣𞤫 𞥑𞥕𞤩𞤭𞥅𞤪𞤫⹁ 𞤸𞤢𞥄 𞤶𞤮𞥅𞤲𞤭 𞤢𞤣𞥆𞤢𞤲𞤭 𞤯𞤵𞤥 𞤫𞤲 𞤰𞤫𞤤𞥆𞤭𞤼𞤣𞤫 𞤺𞤢𞤲𞤣𞤢𞤤 𞤼𞤢𞥄𞤪𞤭𞥅𞤲'𞤣𞤭. [𞥑]

𞤏𞤵𞤪𞤮𞥅𞤶𞤭 𞤥𞤢𞤶𞥆𞤵𞤯𞤭 𞤯𞤭𞥅 𞤭𞤲𞤢 𞤳𞤫𞥅𞤱𞤭 𞤬𞤢𞤱𞤢𞥄𞤣𞤫 𞤫 𞤷𞤢𞤼𞤫 𞤯𞤭𞤯𞤭 𞤥𞤢𞤱𞤯𞤫 : 𞤯𞤫 𞤺𞤢𞤲𞤣𞤫 𞤥𞤵𞤥 𞤫𞤲 𞤬𞤮𞤬 𞤲'𞤶𞤫𞤶𞥆𞤭𞤼𞤢𞥄𞤥𞤢 𞤳𞤮 𞤢𞤣𞤭𞥅 𞤲'𞤣𞤫 𞤯𞤫 𞤲'𞤶𞤭𞤴𞤼𞤫𞤼𞤫𞥅⹁ 𞤫 𞤯𞤫 𞤷𞤭𞤬𞤼𞤮𞤪𞤺𞤮𞤤 𞤥𞤵𞤥 𞤫𞤲 𞤪𞤫𞤧𞤲'𞤣𞤢𞥄 𞤫 𞤲'𞤣𞤫𞤪 𞤣𞤢𞥄𞤪𞤼𞤮𞤤⹁ 𞤼𞤢𞥄𞤪𞤭𞥅𞤲'𞤣𞤭⹁ 𞤱𞤢𞤤𞥆𞤢 𞤦𞤭𞤲𞤣𞤢𞤲𞤯𞤫 𞤣𞤢𞥄𞤪𞤼𞤮𞤤⹁ 𞤳𞤮𞤲𞤮 𞤯𞤫 𞤲𞤮𞤳𞥆𞤵 𞤥𞤵𞤥 𞤫𞤲 𞤥𞤢𞤶𞥆𞤭𞥅 𞤱𞤢𞤤𞥆𞤢 𞤳𞤮 𞤬𞤢𞤥𞤯𞤭 𞤬𞤮𞤬 𞤢𞤤𞤢𞥄 𞤩𞤵𞤪𞤭 𞤶𞤵𞥅𞤼𞤣𞤫 𞤫 𞤢𞤲𞤣𞤫𞥅𞤣𞤫 𞤲𞤮 𞤬𞤫𞥅𞤱𞤭.

𞤲𞤮 𞤯𞤭𞥅 𞤱𞤵𞤪𞤮𞥅𞤶𞤭 𞤸𞤢𞤴𞤪𞤭𞤪𞤭

𞤄𞤭𞤪𞤲𞤭𞤶𞤭 𞤱𞤢𞥄𞤱𞤢𞤲 𞤥𞤢𞤶𞥆𞤵𞤺𞤮 𞤲'𞤺𞤢𞤥 𞤣𞤢𞤤𞤭𞥅𞤤𞤢𞥄𞤶𞤭 𞤯𞤵𞤯𞥆𞤭⹁ 𞤦𞤢𞤲𞤢 𞤥𞤵𞤧𞤭𞤦𞥆𞤢𞥄𞤶𞤭 𞤼𞤢𞤺𞤮⹁ 𞤩𞤭𞤤𞥆𞤢𞥄𞤶𞤭 𞤬𞤢𞤺𞥆𞤵𞤣𞤵 𞤥𞤢𞤤𞥆𞤢 𞤵𞤥𞥆𞤢𞤼𞤮𞥅𞤪𞤫⹁ 𞤥𞤢𞤤𞥆𞤢 𞤳𞤮𞤲𞤵. [𞥒]

𞤂𞤢𞥄𞤥𞤮𞤪𞤣𞤫 𞤋𞤲𞤳𞤢 𞤫𞤲 𞤱𞤭𞤴𞤫𞤼𞤫𞥅𞤲'𞤣𞤫 𞤜𞤭𞤤𞤷𞤢𞤦𞤢𞤲'𞤦𞤢 𞤸𞤢𞤤𞤳𞤢𞥄𞤥𞤢⹁ 𞤵𞤧𞤼𞤭𞥅 𞤴𞤭𞤥𞤩𞤫 𞤥𞤵𞤥 𞤫𞤲 𞤫 𞤧𞤢𞤸𞤢𞥄 𞤲'𞤣𞤫 𞤉𞤧𞤨𞤢𞥄𞤻 𞤸𞤫𞤩𞤼𞤭 𞤆𞤫𞤪𞤵 𞤫 𞤸𞤭𞤼𞤢𞥄𞤲'𞤣𞤫 𞥑𞥕𞥗𞥒. 𞤉𞤧𞤨𞤢𞥄𞤻𞤲𞤢𞥄𞤩𞤫 𞤥𞤢𞤸𞤭𞤪𞤢𞥄𞤲𞤭 𞤱𞤵𞤪𞤮 𞤲'𞤺𞤮𞥅⹁ 𞤲𞤮𞤳𞥆𞤵 𞤥𞤵𞤥 𞤱𞤭𞤲𞤣𞤢𞥄𞤳𞤢⹁ 𞤴𞤫𞤶𞥆𞤭𞤼𞤢𞥄𞤥𞤢 𞤸𞤢𞥄 𞤲'𞤣𞤫 𞤴𞤭𞤴𞤼𞤢𞥄 𞤳𞤢𞤣𞤭 𞤧𞤢𞤦𞤵 𞤰𞤫𞥅𞤱𞤲'𞤣𞤮 𞤤𞤢𞥄𞤩𞤼𞤵𞤲'𞤺𞤮 𞤩𞤢𞤼𞤢𞥄𞤳𞤫𞥅𞤶𞤭 𞤫 𞤦𞤭𞤲𞤣𞤢𞤲𞤯𞤫 𞤴𞤮𞤲𞤼𞤢𞥄𞤶𞤭. [𞥓]

𞤚𞤪𞤮𞤴 𞤳𞤮 𞤱𞤵𞤪𞤮 𞤱𞤮𞤲𞤺𞤮 𞤼𞤮 𞤱𞤮𞤪𞤺𞤮-𞤬𞤵𞤯𞤲𞤢𞥄𞤲'𞤺𞤫 𞤀𞤲𞤢𞤼𞤮𞤤𞤭𞤢⹁ 𞤫 𞤲'𞤣𞤫𞤪 𞤤𞤫𞤴𞤣𞤭 𞤚𞤵𞤪𞤳𞤭 𞤸𞤢𞤲𞤣𞤫 𞤲'𞤣𞤭𞥅. 𞤐'𞤁𞤫 𞤩𞤵𞤪𞤭 𞤢𞤲𞤣𞤫𞥅𞤣𞤫 𞤳𞤮 𞤲'𞤣𞤫 𞤱𞤮𞤲𞤭 𞤸𞤢𞤳𞥆𞤵𞤲'𞤣𞤫 𞤱𞤮𞤤𞤣𞤫 𞤚𞤪𞤮𞤶𞤢𞤲 𞤧𞤭𞤬𞤮𞤼𞤮𞥅𞤲'𞤣𞤫 𞤫 𞤲'𞤣𞤫𞤪 𞤷𞤭𞤪𞤰𞤢𞤥 𞤫𞤨𞤭𞤳 𞤘𞤫𞤪𞤫𞤳 𞤫𞤲 𞤸𞤢𞥄 𞤼𞤫𞥅𞤽𞤼𞤭 𞤲𞤮𞥅𞤲 𞤫 𞤋𞤤𞤭𞤢𞤣⹁ 𞤺𞤮𞥅𞤼𞤮 𞤫 𞤶𞤭𞤥𞤯𞤭 𞤫𞤨𞤭𞤳 𞤯𞤭𞤯𞤭 𞤯𞤭 𞤖𞤮𞤥𞤫𞤪 𞤱𞤭𞤲𞤣𞤭. 𞤖𞤢𞤤𞤳𞤢𞥄𞤥𞤢⹁ 𞤥𞤢𞤸𞤭𞤪𞤢𞥄 𞤤𞤢𞥄𞤦𞤭 𞤳𞤫𞥅𞤱𞤯𞤭⹁ 𞤱𞤵𞤪𞤮 𞤲'𞤺𞤮 𞤭𞤲𞤢 𞤵𞤧𞤼𞤮𞥅 𞤧𞤫𞥅𞤯𞤢 𞤧𞤫𞥅𞤯𞤢⹁ 𞤲'𞤺𞤮 𞤱𞤮𞤨𞥆𞤭𞤼𞤢𞥄 𞤫 𞤶𞤢𞤥𞤢𞥄𞤲𞤵 𞤄𞤭𞥁𞤢𞤲𞤼𞤭𞥅𞤲. 𞤄𞤵𞤪𞤭 𞤫 𞤶𞤢𞤥𞤢𞥄𞤲𞤵⹁ 𞤱𞤵𞤪𞤮 𞤲'𞤺𞤮𞥅 𞤶𞤭𞤨𞥆𞤭𞤲𞤢𞥄𞤥𞤢 𞤫 𞤤𞤢𞥄𞤥𞤵 𞤤𞤫𞤬𞤮𞤤 𞤸𞤢𞥄 𞤲𞤮𞤳𞥆𞤵 𞤥𞤵𞤥 𞤬𞤵𞤯𞥆𞤭𞥅 𞤩𞤵𞥅𞤩𞤣𞤫 𞤫 𞤳𞤭𞤼𞤢𞥄𞤤𞤫 𞥑𞥘𞥖𞥐.

𞤒𞤭𞤭𞤼𞤢𞥄𞤯𞤫

𞤉 𞤩𞤢𞤥𞤼𞤢𞥄𞤪𞤫 𞤢𞤪𞤳𞤫𞤱𞤮𞤤𞤮𞤧𞤭 𞤫 𞤲𞤢𞤬𞤼𞤮𞤪𞤢𞥄𞤣𞤫 𞤳𞤢𞤪𞤢𞤤𞥆𞤢𞥄𞤺𞤢𞤤 𞤳𞤫𞤧𞤢𞤤⹁ 𞤺𞤵𞤪𞤫 𞤳𞤫𞥅𞤱𞤯𞤫 𞤥𞤢𞤶𞥆𞤵𞤯𞤫 𞤳𞤮 𞤢𞤣𞤭𞥅 𞤯𞤵𞥅𞤥 𞤲'𞤶𞤭𞤴𞤼𞤢𞥄𞤥𞤢.

𞤃𞤢𞤷𞤵 𞤆𞤭𞤷𞤵𞥅 𞤳𞤮 𞤲𞤮𞤳𞥆𞤵 𞤋𞤲𞤳𞤢𞥄𞤶𞤭 𞤳𞤮 𞤢𞤣𞤭𞥅 𞤑𞤮𞤤𞤮𞤥𞤦𞤭⹁ 𞤱𞤮𞤲𞤭 𞤳𞤮 𞤫 𞤣𞤮𞤱 𞤼𞤵𞤤𞤣𞤫 𞤣𞤮𞤱 𞤬𞤢𞤤𞤲'𞤣𞤫 𞤓𞤪𞤵𞤦𞤢𞤲'𞤦𞤢 𞤼𞤮 𞤤𞤫𞤴𞤣𞤭 𞤆𞤫𞤪𞤵. 𞤖𞤫𞥅𞤱𞤭 𞤱𞤭𞤴𞤫𞥅𞤣𞤫 𞤳𞤮 “𞤏𞤵𞤪𞤮 𞤋𞤲𞤳𞤢𞥄𞤶𞤭 𞤥𞤢𞤶𞥆𞤵𞤯𞤭”⹁ 𞤭𞤲𞤢 𞤺𞤢𞤧𞤢 𞤼𞤢𞤱𞤢 𞤳𞤮 𞤲'𞤺𞤮 𞤩𞤵𞤪𞤭 𞤤𞤮𞤤𞥆𞤵𞤣𞤫 𞤫 𞤱𞤭𞤲𞤣𞤫𞤪𞤫 𞤋𞤲𞤳𞤢𞥄𞤶𞤭. 𞤃𞤢𞤷𞤸𞤵 𞤆𞤭𞤷𞥆𞤸𞤵 𞤥𞤢𞤸𞤭𞤪𞤢𞥄 𞤳𞤮 𞤸𞤫𞤣𞥆𞤫 𞤸𞤭𞤼𞤢𞥄𞤲'𞤣𞤫 𞥑𞥔𞥕𞥐⹁ 𞤫 𞤼𞤮𞤤𞤲𞤮 𞤤𞤢𞥄𞤥𞤵 𞤋𞤲𞤳𞤢 𞤫𞤲. 𞤐'𞤁𞤫 𞤱𞤮𞤨𞥆𞤭𞤼𞤢𞥄 𞤳𞤮 𞤩𞤵𞤪𞤭 𞤣𞤵𞥅𞤩𞤭 𞥑𞥐𞥐 𞤧𞤫𞥅𞤯𞤢 𞤷𞤢𞤺𞥆𞤢𞤤 𞤯𞤵𞥅𞤥⹁ 𞤫 𞤸𞤭𞤼𞤢𞥄𞤲'𞤣𞤫 𞥑𞥕𞥗𞥒⹁ 𞤷𞤢𞤺𞥆𞤢𞤤 𞤲'𞤣𞤫 𞤉𞤧𞤨𞤢𞥄𞤻 𞤸𞤫𞤩𞤼𞤭 𞤤𞤫𞤴𞤣𞤭 𞤲'𞤣𞤭𞥅. 𞤋𞤲𞤢 𞤺𞤢𞤧𞤢 𞤼𞤢𞤱𞤢 𞤳𞤮 𞤩𞤵𞤪𞤭 𞤸𞤫𞥅𞤱𞤣𞤫 𞤫 𞤸𞤮𞤯𞤩𞤫 𞤸𞤫𞥅𞤲 𞤩𞤫𞥅 𞤥𞤢𞥄𞤴𞤭 𞤳𞤮 𞤫 𞤻𞤢𞤱𞤵 𞤲'𞤺𞤵𞥅⹁ 𞤲'𞤺𞤵 𞤴𞤢𞤸𞤮𞥅𞤩𞤫 𞤲'𞤺𞤢𞤣𞥆𞤭 𞤳𞤮 𞤢𞤣𞤭𞥅 𞤲'𞤣𞤫 𞤳𞤮𞤲𞤳𞤭𞤧𞤼𞤢𞤣𞤮𞤪𞤵𞥅𞤶𞤭 𞤉𞤧𞤨𞤢𞥄𞤻 𞤲'𞤺𞤢𞤪𞤢𞤼𞤢 𞤫 𞤣𞤭𞥅𞤱𞤢𞥄𞤲 𞤸𞤫𞥅. 𞤉 𞤸𞤭𞤼𞤢𞥄𞤲'𞤣𞤫 𞥑𞥙𞥑𞥑⹁ 𞤃𞤫𞤤𞤷𞤸𞤮𞤪 𞤀𞤪𞤼𞤫𞤢𞤺𞤢 𞤢𞤪𞤣𞤭𞥅 𞤱𞤭𞤯𞤼𞤭𞤴𞤢𞤲𞤳𞤫 𞤦𞤭𞤴𞤫𞤼𞤫𞥅𞤯𞤮 𞤖𞤭𞤪𞤢𞤥 𞤄𞤭𞤲'𞤺𞤸𞤢𞤥 𞤸𞤢𞥄 𞤃𞤢𞤷𞤸𞤵 𞤆𞤭𞤷𞥆𞤸𞤵⹁ 𞤥𞤮 𞤴𞤭𞤥𞤩𞤫 𞤬𞤮𞤬 𞤲'𞤶𞤫𞤶𞥆𞤭𞤼𞤭 𞤧𞤮 𞤱𞤮𞤲𞤢𞥄 𞤧𞤫𞥅𞤯𞤢 𞤫 𞤴𞤭𞤥𞤩𞤫 𞤸𞤮𞤯𞤩𞤫 𞤫 𞤬𞤢𞤤𞤲'𞤣𞤫 𞤲'𞤣𞤫𞥅. [𞥕] 𞤍𞤵𞤥 𞤬𞤮𞤬 𞤫 𞤱𞤢𞤴𞤣𞤫 𞤲𞤮𞥅𞤲⹁ 𞤱𞤭𞤯𞤼𞤮𞥅𞤱𞤮 𞤫 𞤪𞤫𞤥𞤮𞥅𞤱𞤮 𞤆𞤫𞤪𞤵 𞤦𞤭𞤴𞤫𞤼𞤫𞥅𞤯𞤮 𞤀𞤺𞤵𞤧𞤼í𞤲 𞤂𞤭𞥁á𞤪𞥆𞤢𞤺𞤢 𞤢𞤣𞤭𞥅 𞤲'𞤣𞤫𞥅 𞤴𞤭𞤴𞤼𞤫𞤪𞤫 𞤳𞤮 𞤣𞤵𞥅𞤩𞤭 𞥙⹁ 𞤲'𞤣𞤫 𞤼𞤢𞤱𞤲𞤮𞥅 𞤮 𞤼𞤢𞤱𞤭 𞤲𞤮𞤳𞥆𞤵 𞤋𞤲𞤳𞤢 𞤫𞤲 𞤳𞤮 𞤻𞤢𞤤𞤲'𞤣𞤫 𞥑𞥔 𞤧𞤵𞤤𞤴𞤫𞥅 𞥑𞥙𞥐𞥒. 𞤌 𞤢𞤷𞥆𞤭 𞤦𞤭𞤲𞤣𞤮𞤤 𞤳𞤵𞥅𞤪𞤢𞥄 𞤭𞤲𞤢 𞤱𞤭𞤲𞤣𞤢𞥄 𞤸𞤫𞥅𞤲 "𞤀. 𞤂𞤭𞥁á𞤪𞥆𞤢𞤺𞤢 𞥑𞥙𞥐𞥒".