Ndimaagu/adlam
𞤐'𞤁𞤭𞤥𞤢𞥄𞤺𞤵 𞤊𞤵𞤤𞤩𞤫 𞤲𞤮 𞤴𞤭𞤯𞤢𞥄⹁ 𞤭𞤲𞤢 𞤬𞤮𞥅𞤯𞤢𞤲𞤫𞥅 𞤭𞤲𞤢 𞤸𞤢𞤩𞤢𞤲𞤫𞥅. 𞤆𞤵𞤤𞥆𞤮 𞤭𞤲𞤢 𞤬𞤮𞤼𞥆𞤢𞤲𞤭 𞤸𞤮𞥅𞤪𞤫 𞤥𞤵𞤥 𞤲'𞤣𞤭𞤥𞤢𞥄𞤺𞤵 𞤸𞤢𞥄 𞤧𞤫𞥅𞤼𞥆𞤢𞤲𞤢𞥄 𞤫 𞤲'𞤣𞤫𞤪 𞤤𞤫𞤴𞤣𞤭 𞤃𞤢𞤤𞤭 𞤸𞤫𞥅. 𞤚𞤮 𞤊𞤵𞥅𞤼𞤢𞥄𞤶𞤭: 𞤅𞤫𞤲𞤫𞤺𞤢𞤤⹁ 𞤃𞤮𞤪𞤭𞤼𞤢𞤲𞤭⹁ 𞤘𞤭𞤲𞤫𞤫⹁ 𞤲𞤢 𞤲'𞤺𞤢𞤲𞤣𞤭𞤪𞤢𞥄 𞤸𞤢𞤪𞤢𞤥𞤫𞥅𞤶𞤭 𞤶𞤫𞥅𞤯𞤭𞤯𞤭.
𞤑𞤮 𞤱𞤮𞥅𞤱𞤭 𞤭𞤲𞤢 𞤢𞤲𞤣𞤢𞥄 𞤧𞤮 𞤱𞤮𞤲𞤭𞥅 𞤫 𞤥𞤢𞤩𞥆𞤫 𞤦𞤭𞥅𞤯𞤮 "𞤖𞤢𞤪𞤢𞤥𞤫𞥅𞤶𞤭 𞤢𞤥 𞤶𞤫𞥅𞤯𞤭𞤯𞤭"⹁ 𞤸𞤢𞥄𞤤𞤭𞥅 𞤺𞤮𞥅𞤲'𞤺𞤢. 𞥟 𞤑𞤮 𞤬𞤭𞤪𞤼𞤢𞤼𞤢 𞤸𞤢𞤪𞤢𞤥𞤫𞥅𞤶𞤭 𞤶𞤫𞥅𞤯𞤭𞤯𞤭 𞤼𞤮 𞤯𞤭 𞤳𞤢𞥄𞤤𞤫𞤼𞤫𞥅 𞤼𞤮𞥅؟ 𞥟 𞤑𞤢𞤲'𞤶𞤭 𞤶𞤫𞥅𞤯𞤭𞤯𞤭 𞤯𞤭𞥅 𞤫𞤯𞤭 𞤲𞤭:
- 𞤃𞤭 𞤬𞤫𞤲𞤢𞤼𞤢𞥄.
- 𞤃𞤭 𞤸𞤵𞤲𞥆𞤢𞤼𞤢𞥄.
- 𞤃𞤭 𞤼𞤮𞥅𞤻𞤢𞤼𞤢𞥄.
- 𞤃𞤭 𞤱𞤵𞤶𞥆𞤢𞤼𞤢𞥄.
- 𞤃𞤭 𞤶𞤢𞤲𞤬𞤮𞤼𞤢𞥄𞤳𞤮.
- 𞤃𞤭 𞤱𞤮𞥅𞤬𞤢𞤼𞤢𞥄.
- 𞤃𞤭 𞤼𞤢𞤰𞤢𞤼𞤢𞥄 𞤫𞤲𞤯𞤢𞤥.
𞤍𞤭𞥅 𞤳𞤢𞤪𞤥𞤭𞤲𞤢𞥄𞤯𞤭 𞤱𞤢𞤯𞤫𞥅𞤯𞤫 𞤲𞤮 𞤳𞤵𞥅𞤪𞤭𞤪𞤢𞤲𞤮𞥅؟ 𞤑𞤮 𞤢𞤣𞤢𞤲⹁ 𞤊𞤵𞤤𞤩𞤫 𞤲'𞤺𞤮𞤤𞥆𞤢𞤲𞥆𞤮 𞤶𞤢𞤥𞥆𞤢 𞤫 𞤻𞤢𞤤𞤢𞤱𞤥𞤢. 𞤩𞤫 𞤻𞤢𞥄𞤥𞤢𞤲𞥆𞤮𞥅 𞤳𞤮 𞤧𞤫𞥅𞤯𞤢. 𞤇𞤫 𞤳𞤫𞤣𞥆𞤮𞤪𞤮𞥅 𞤳𞤮 𞤴𞤮𞤲𞤢𞤼𞤢 𞤩𞤫. 𞤖𞤢𞤳𞥆𞤭𞤤𞥆𞤢𞥄𞤶𞤭 𞤥𞤢𞤩𞥆𞤫 𞤲'𞤺𞤢𞤪𞤼𞤢⹁ 𞤳𞤮𞥅𞤤𞤮𞥅 𞤫 𞤱𞤢𞥄𞤱𞤢𞤲'𞤣𞤫 𞤳𞤢𞤼𞤮𞤶𞤭𞤲𞤢𞤤 𞤥𞤢𞤩𞥆𞤫.
𞤩𞤫 𞤲'𞤣𞤫𞥅𞤲𞤭𞤪𞤭 𞤲'𞤣𞤭𞤥𞤢𞥄𞤺𞤵 𞤲'𞤺𞤢𞤥 𞤸𞤵𞤤𞤣𞤫 𞤺𞤢𞤷𞥆𞤫. 𞤩𞤫 𞤳𞤢𞥄𞤤𞤢𞤼𞤢𞥄⹁ 𞤩𞤫 𞤲'𞤦𞤢𞤯𞤢𞤼𞤢𞥄 𞤳𞤮 𞤸𞤫𞤪𞤧𞤭𞤲𞤭𞥅. 𞤩𞤫 𞤲'𞤺𞤮𞤯𞥆𞤭𞤼𞤭𞥅 𞤲'𞤣𞤫𞥅𞤪𞤫𞥅𞤪𞤵 𞤫 𞤲'𞤺𞤢𞥄𞤥𞤫𞥅𞤤𞤢.
𞤑𞤮 𞤴𞤢𞤱𞤣𞤫 𞤳𞤮 𞤣𞤢𞤻𞤭 𞤥𞤢𞥄 𞤱𞤢𞥄𞤧𞤣𞤫 𞤤𞤮𞤲𞤺𞤫𞤪𞤫 𞤱𞤵𞥅𞤪𞤲𞤮𞥅𞤪𞤫. 𞤑𞤮 𞤮 𞤶𞤮𞤲𞤣𞤭𞤲𞤭𞥅𞤯𞤮 𞤶𞤭𞤯𞤲𞤭𞥅𞤯𞤮 𞤲'𞤺𞤢𞤥 𞤳𞤮 𞤲𞤢𞤬𞤮𞥅𞤱𞤮 𞤮 𞤤𞤮𞤪𞤤𞤢𞤼𞤢𞥄. 𞤁𞤭𞤥𞤮 𞤲𞤢 𞤱𞤮𞤲'𞤣𞤭 𞤫 𞤲𞤫𞥅𞤣𞤭 𞤥𞤮𞤰𞥆𞤭𞤪𞤭.
𞤐'𞤁𞤫𞥅𞤲 𞤧𞤮𞤳𞤤𞤭𞤲𞤢𞤲𞥆𞤮𞥅 𞤲𞤫𞤯𞥆𞤮 𞤳𞤮 𞤻𞤢𞥄𞤥𞤣𞤫⹁ 𞤳𞤮𞤤𞤼𞤵 𞤫 𞤸𞤮𞤯𞤮𞤪𞤣𞤫 𞤲𞤢 𞤲𞤫𞤱𞤭𞤲𞤮𞥅.