Maayo Jaaliba: Ceertol hakkunde baylitte
Content deleted Content added
Page créée avec « Maayo Jaaliba (maa Jaalibawol) hino tawaa e maaje tati ɓurɗe ɗen mawnude e nder Afirik. Ɗeya ɗiɗi ko Maayo Niil kañum e Maayo Konngo. Innde maggo ɓurnde lollude nd... » |
No edit summary |
||
Gorol 1:
Maayo Jaaliba (maa Jaalibawol) hino tawaa e maaje tati ɓurɗe ɗen mawnude e nder Afirik. Ɗeya ɗiɗi ko Maayo Niil kañum e Maayo Konngo. Innde maggo ɓurnde lollude nden ko ittaande e ɗemɗe Porto ɗen wano faransi e enngele, ɗum ko Niijer.
Maayo Jaaliba ko e leydi Gine tubbi, ngo yaari Maali, ka hakkunde ndin leydi e nokkuure Fulɓe inneteende Maasina ngo waɗi kofol (turnde) ngo jippori funnaange-ñaamo ngo rewi ndenndaandi Niijer e ndenndaandi Niijeriya. Ko ɗon ngo tubbitoyi e Fiiltiingo Atlantik. Njuuteendi Jaaliba ko 4400 km. Innde maggo e yoga e ɗemɗe leƴƴi hoɗuɗi e daande maggo: ''Joliba'' (bammbarankoore), ''Ghir-n-Igheren'' (ɗemngal Tuwaaregʼen, ɗum firi ko: maayo maaje, hino gasa tawa ko ɗum Tuubakooɓe nani wiʼi ko Niijer), ''Isa Ber'' (ɗemngal Soŋay, ɗum firi ko: maayo mawngo), ''Kwara'' (hawsankoore).
Calɗi Jaaliba ɗin e nder leydi Gine ko: Milo, Sankarani, Tenkiso, Ñanndan. E nder Niijeriya ko caangol Beñwe.
[[File:Niger river map.png|thumb|Maayo Jaaliba]]
| |||