Taali: Ceertol hakkunde baylitte

Hino tawaa e ko anndaa Fuuta Jaloo, wonde taaletaake ñalorma, taali ko jemma, mo taalay ko o waalo, e ko nanndi e ɗum.

Faandaare taalir jemma ngol non, ko e hikma waɗiraa, wanaa si tawii haray ɗum ko masiibo addata. Ko tawde tun, hari ɓaawo ɗoo nun, ko remuru ndun jamaa on wuuruno, kono remiraa woo heege daɗirta e koɗeeli ɗin. Remugol non ko ñalorma wanaa jemma, taali le yaadataa e remuru. Ko ɗum waɗi si ɓe haɗi taalirgol ñalorma ngol fii hilnagol remuru ndun, hara ko jemma taalirtee nde fof arti fowtii, tawa no woodi no dawiree ka ngesa. Seedee mun, Aamas’Soh waɗtuno taalirde ñalorma ka rajooji gine ado o faataade, si ɗum daganooki, o waɗataano.